The news is by your side.

Advertisement

ایل او سی پر بھارتی اشتعال انگیزیاں ، پاکستان کا بھارت سے شدید احتجاج

اسلام آباد : پاکستان نے بھارت سے اشتعال انگیزیوں پر شدید احتجاج ریکارڈ کراتے ہوئے مطالبہ کیا کہ بھارت اقوام متحدہ سلامتی کونسل کی قراردادوں پرعمل درآمد یقینی بنائے۔

تفصیلات کے مطابق بھارتی فورسز کی جانب سے سیزفائر کی سنگین خلاف ورزیوں پر بھارتی ہائی کمیشن کے سینیرسفارتکار کو دفتر خارجہ طلب کرکے اشتعال انگیزیوں پر شدید احتجاج ریکارڈ کرایا۔

ترجمان دفترخارجہ کے مطابق احتجاجی مراسلہ بھارتی سینیر سفارتکار کے حوالے کیا گیا ہے ، جس میں کہا گیا بھارتی فورسز نے 24 ستمبر کو بروہ سیکٹر پربلااشتعال فائرنگ کی، قابض بھارتی فورسز کی فائرنگ سے2شہری زخمی ہوئے۔

ترجمان نے کہا کہ رواں برس بھارت نےابتک 2340 خلاف ورزیاں کیں، اس دوران بھارتی اشتعال انگیزیوں میں18 معصوم شہری شہیداور 187شہری شدید زخمی ہوئے۔

دفتر خارجہ کا کہنا تھا کہ بھارت کا معصوم شہریوں کوجان بوجھ کرنشانہ بنانا قابل مذمت ہے، بھارتی فورسز مسلسل لائن آف کنٹرول پرشہری آبادی کونشانہ بنا رہی ہیں، بھارت کی اشتعال انگیزیاں خطے میں امن و سلامتی کیلئے خطرہ ہیں۔

ترجمان نے کہا کہ بھارت ان حرکتوں سے مسئلہ کشمیرپردنیا کی توجہ نہیں ہٹا سکتا، بھارت اقوام متحدہ سلامتی کونسل کی قراردادوں پرعمل درآمد یقینی بنائے اور 2003کے جنگ بندی انتظام کی پاسداری کرے۔

دفتر خارجہ نے مزید کہا کہ بھارت کا نہتےشہریوں کو نشانہ بنانا عالمی قوانین، اقدارکے منافی ہے، اقوام متحدہ فوجی مبصرمشن کو ایل او سی پرکام کرنے دیا جائے۔

Comments

یہ بھی پڑھیں