اسلام آباد : متحدہ عرب امارات کی جانب سے پاکستان کو 1ارب ڈالر کی فنانسنگ کیلئے رواں ہفتے تحریری ضمانت ملنے کا امکان ہے۔
تفصیلات کے مطابق متحدہ عرب امارات کی جانب سے 1 ارب ڈالر کی فنانسنگ کیلئے رواں ہفتے تحریری ضمانت ملنے کی توقع ہے ، جس کے بعدسیکرٹری وزارت خزانہ آئی ایم ایف کوواشنگٹن میں سالانہ میٹنگز کے دوران اس حوالے سے آگاہ کریں گے۔
ذرائع وزارت خزانہ نے بتایا کہ وزیرخزانہ اسحاق ڈار نے یواےای حکام سے خصوصی درخواست کی تھی ، وزیرخزانہ نےآئی ایم ایف سےمعاہدہ کیلئےدوست ملک سے فنانسنگ کی درخواست کی۔
وزارت خزانہ کا کہنا تھا کہ یواےای سے 1ارب ڈالر کی فنانسنگ کیلئے معاملات فائنل ہوچکےہیں، یواے ای حکام کی جانب سے گارنٹی ملتے ہی آئی ایم ایف کو بھی تحریری ضمانت مل جائے گی۔
ذرائع کے مطابق آئی ایم ایف کی شرائط پوری کرنے کیلئے وزیراعظم آفس سےدوست ممالک سے درخواست کی گئی۔
یاد رہے گذشتہ ہفتے سعودی عرب نے آئی ایم ایف کو پاکستان کے لئے دو ارب ڈالر کی فنڈنگ کی یقین دہانی کرادی ، رقم پاکستان میں زرمبادلہ کے ذخائر کے لیے فراہم کی جائے گی۔
تفصیلات کے مطابق سعودی عرب نے بین الاقوامی مالیاتی فنڈ (آئی ایم ایف) کو دو ارب کی فنڈنگ کی یقین دہانی کرائی تھی۔
ذرائع وزارت خزانہ کا کہنا تھا کہ آئی ایم ایف نے پاکستان کے لئے سعودی عرب کے دو ارب ڈالر کی تصدیق کردی ہے ، رقم پاکستان میں زرمبادلہ کے ذخائر کے لیے فراہم کی جائے گی تاہم وزیراعظم کے دورہ سعودی عرب پر فنڈنگ کا باقاعدہ اعلان متوقع ہے۔
