The news is by your side.

دنیا کے آلودہ ترین ممالک میں پاکستان سرفہرست

ایئر کوالٹی انڈیکس کے مطابق دنیا کے آلودہ ترین ممالک کی فہرست میں پاکستان پہلے نمبر پر آگیا ہے اور اس کے دو بڑے شہر پہلے دس آلودہ ترین شہروں میں شامل ہیں۔

ایئر کوالٹی انڈیکس کے مطابق 201 سے 300 تک کی شرح آلودگی کے اعتبار سے انتہائی مضر صحت ہے اور پاکستان کے آبادی کے لحاظ سے سب سے بڑے صوبے پنجاب کے دارالخلافہ لاہور دنیا کے آلودہ ترین شہروں میں پہلے نمبر پر ہے جہاں آلودگی کی شرح 391 پرٹیکیولیٹ میٹرز تک پہنچ گئی ہے۔

ایئر کوالٹی انڈیکس کے مطابق بھارت آج دنیا کا دوسرا آلودہ ترین ملک ہے جہاں دارالحکومت نئی دہلی میں شرح آلودگی 225 پرٹیکیولیٹ میٹرز تک پہنچ گئی ہے۔

ایئر کوالٹی انڈیکس چارٹ کے مطابق کراچی کی فضائی معیار مضر صحت قرار دیا گیا ہے جہاں آلودگی کی شرح 160  پرٹیکیولیٹ میٹرزتک پہنچ گئی ہے جس کے بعد ائیر کوالٹی انڈیکس میں 8 ویں نمبر پر ہے۔

اس کے علاوہ دنیا کے آلودہ  ترین شہروں میں لاہور دوسرے نمبر پر ہے، جہاں ایئر کوالٹی انڈیکس کی شرح 376 ریکارڈ کی گئی ہے۔

Comments

یہ بھی پڑھیں