The news is by your side.

Advertisement

چین کے تعاون سے تیار ’بحرمساح‘ پاکستان کے بحری بیڑے میں شامل، ویڈیو جاری

اسلام آباد: چین کے تعاون سے تیار سروے شپ جہاز ’بحرمساح‘ کی پاکستانی بحری بیڑے میں شمولیت پر ویڈیو جاری کردی گئی۔

تفصیلات کے مطابق ترجمان پاک بحریہ کا کہنا ہے کہ جدید ترین جہاز ’بحرمساح‘ سے متعلق جاری کی گئی ویڈیو کے پرومو میں بحر مساح کی سمندری شعبے کے لیے اہمیت کو اجاگر کیا گیا۔

پاک بحریہ میں جہاز کی شمولیت سمندری علوم کے لیے اہم سنگ میل ہے، بحرمساح کا حصول سمندری تحقیق اور معدنیات کی دریافت میں اہم قدم ہے، جہاز میں جدید لیبارٹریز، نقشہ سازی اور زیرآب تحقیق کے آلات بھی ہیں۔

ترجمان پاک بحریہ کا کہنا تھا کہ جہاز سے میری ٹائم کے دیگر ادارے بھی فائدہ حاصل کریں گے، بحر مساح پاکستان اور چین کے دوستانہ تعلقات کا عکاس ہے، اس سے پاکستان کی دفاعی صلاحیتوں میں اضافہ ہوگا۔

یاد رہے کہ چار نومبر کو پاکستان نیوی نے منصوبے کی بروقت تکمیل اور معیاری کام پر داجن شپ یارڈ چین کے عملے کو سراہا تھا۔ پاک نیوی کے مطابق سول اور دفاعی شعبہ جات میں باہمی تعاون پاکستان اور چین کے مابین بہترین تعلقات کا عکاس ہے۔

دریں اثنا چیف آف نیول اسٹاف ایڈمرل ظفر محمود عباسی کا کہنا تھا کہ جہاز کی ملکی بحری بیڑے میں شمولیت سمندری تحقیق اور محفوظ جہاز رانی کی صلاحیتوں میں اضافے کی طرف ایک اہم قدم ہے۔

fb-share-icon0
Tweet 20

Comments

comments

یہ بھی پڑھیں