تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پہلے ون ڈے میں کیویز کو ہرانے کا پاکستان کو شاندار صلہ مل گیا

پاکستان نے گزشتہ روز نیوزی لینڈ کو پہلے ون ڈے میں با آسانی شکست دی جس کے بعد اسے عالمی سطح پر شاندار صلہ بھی مل گیا۔

اے آر وائی نیوز کے مطابق پاکستان اور نیوزی لینڈ کے مابین تین ایک روزہ میچوں پر مشتمل سیریز کے پہلے میچ میں گزشتہ روز میزبان گرین شرٹس نے کیویز کے خلاف شاندار فتح سمیٹی جس کا شاندار صلہ اسے ورلڈ کپ سپر لیگ میں دوسری پوزیشن پانے کی صورت میں ملا۔

سیریز کے آغاز سے قبل ون ڈے ورلڈ کپ سپر لیگ کی فہرست میں نیوزی لینڈ دوسرے اور پاکستان چھٹے نمبر پر تھا۔ گزشتہ روز سیریز کے پہلے میچ میں پاکستان نے کیویز کو با آسانی 6 وکٹوں سے شکست دے کر شاندار فتح ہی اپنے نام نہیں کی بلکہ ورلڈ کپ سپر لیگ کی اس فہرست میں بھی نیوزی لینڈ کو پچھاڑ دیا۔

اس فتح کے بعد گرین شرٹس 130 پوائنٹ کے ساتھ دوسری پوزیشن پر آگئی ہے جب کہ نیوزی لینڈ کو ایک قدم پیچھے ہوکر تیسری پوزیشن پر جانا پڑا ہے۔ پہلی پوزیشن پر بھارت 139 پوائنٹس کے ساتھ براجمان ہے۔

یاد رہے کہ اگر پاکستان ون ڈے سیریز میں نیوزی لینڈ کو وائٹ واش کرتا ہے تو نہ صرف ون ڈے ورلڈ کپ سپر لیگ میں بھارت کو پیچھے چھوڑ کر پہلی پوزیشن پر براجمان ہوسکتا ہے بلکہ آئی سی سی کی ون ڈے کی نمبر ون ٹیم کا اعزاز بھی پا سکتا ہے۔

یہ بھی پڑھیں: پاکستان ون ڈے کی نمبر ون ٹیم بن سکتی ہے؟

اس وقت آئی سی سی ون ٹیم کی فہرست میں نیوزی لینڈ 116 پوائنٹ کے ساتھ پہلی پوزیشن سنبھالے ہوئے ہے جب کہ پاکستان 107 پوائنٹ کے ساتھ پانچویں پوزیشن پر ہے۔

Comments

- Advertisement -