اسلام آباد : وزیر خارجہ خواجہ آصف نے کہا ہے کہ اب وہ کریں گے جو پاکستان کے مفاد میں ہوگا چنانچہ پاکستان نے امریکا کوحقانی نیٹ ورک کے خلاف مشترکہ آپریشن کی پیشکش ہے۔
ان خیالات کا اظہار انہوں نے نجی ٹی وی چینل کو دیے گئے اپنے انٹرویو میں کیا، وزیر خارجہ خواجہ نے بتایا کہ امریکا کو کہا ہے کہ ہیلی کاپٹر میں ساتھ بیٹھ کر دورہ کریں اور جہاں حقانی نیٹ ورک کی سرگرمی دکھائی دی تو وہیں ملیا میٹ کردیں گے۔
انہوں نے کہا کہ یہی پیشکش آرمی چیف قمر باجوہ نے اپنے دورہ افغانستان میں افغان صدر کو بھی کرتے ہوئے اس بات کا اعادہ کیا کہ پُرامن افغانستان سب سے زیادہ پاکستان کے حق میں ہے اور دہشت گردوں کے خلاف جنگ میں مل کام کرنے کو بھی تیار ہیں۔
ایک سوال کے جواب میں وزیر داخلہ کا کہنا تھا کہ اب وہ کریں گے جو پاکستان کے مفاد میں ہوگا اور اگر کوئی ہماری امداد بند کرنا چاہتا ہے تو شوق سے کر لے لیکن یہ بھی سمجھ لے کہ اگر زیادہ دباؤ ڈالا گیا تو چین، روس، ایران اور ترکی ہمارے ساتھ کھڑے ہوں گے جس کے لیے اب کسی سے ڈکٹیشن نہیں لیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں