The news is by your side.

Advertisement

پاکستان نے سکھ یاتریوں کیلیے کرتارپور راہداری کھول دی

نارووال: پاکستان نے سکھ یاتریوں کے لیے کرتارپور راہداری کھول دی ، ایس او پیز کے تحت یاتریوں کو دعائیہ تقریب میں شرکت کی اجازت ہوگی۔

تفصیلات کے مطابق پاکستان کی جانب سے دربار صاحب کرتار پور سکھ یاتریوں کے لیےکھول دیا گیا ،کرتارپورگوردوارہ میں سکھ مہاراجہ رنجیت سنگھ کی برسی پردعائیہ تقریب ہوئی ۔

مہاراجہ رنجیت سنگھ کی برسی پر سکھ یاتریوں کی آمد کا سلسلہ شروع ہوگیا ہے، ایس او پیز کے تحت یاتریوں کو دعائیہ تقریب میں شرکت کی اجازت ہوگی۔

یاد رہے بھارت نے ہٹ دھرمی برقرار رکھتے ہوئے پاکستانی حکومت کی کرتارپور راہداری کھولنے کی پیشکش مسترد کردی تھی اور اور بہانا بناتے ہوئے کہا کہ دو دن کے نوٹس پرراہداری کھولنا ممکن نہیں۔

خیال رہے پاکستان نے جذبہ خیر سگالی کے تحت اعلان کیا تھا کہ مہاراجہ رنجیت سنگھ کی برسی کے موقع پرانتیس جون سےکرتارپورراہداری کھولنے کیلئے تیار ہیں۔

مزید پڑھیں : کرتارپور راہدرای ، حکومت پاکستان نے سکھ یاتریوں کو بڑی خوشخبری سنادی

ترجمان دفتر خارجہ نے اپنے بیان میں کہا تھا کہ پاکستان نے 29 جون کوکرتار پور راہداری کھولنے کے انتظامات مکمل کر لیے ہیں ، انتظامات کی تیاری کے حوالے سے بھارتی حکومت کو باضابطہ آگاہ کر دیا ، دنیا بھر میں مذہبی مقامات کو بتدریج کھولا جا رہا ہے16 مارچ کو کورونا وبا کے باعث کرتار پور راہداری کو بند کیا گیا تھا۔

معاون وزیراعظم کےمعاون خصوصی زلفی بخاری نے سماجی رابطے کی ویب سائٹ ٹوئٹر پر اپنے بیان میں کہا ہندی، اردو، انگریزی اور پنجابی میں دنیا بھر کی سکھ کمیونٹی کو خوش آمدید کہا ، کمہاراجہ رنجیت سنگھ کی برسی کے موقع پر کرتارپورراہداری 29جون سے سکھ کمیونٹی کے لیے کھول رہے ہیں۔

زلفی بخاری کا کہنا تھا کہ کرتارپور صاحب میں پھرسے خوش آمدید کہتے ہیں ، کرتارپور راہداری کوسیاحتی ایس او پیز کے مطابق کھولا جائے گا۔

Comments

یہ بھی پڑھیں