The news is by your side.

Advertisement

سنچورین ٹیسٹ: پاکستان کا جنوبی افریقہ کو جیت کے لیے 149 رنز کا ہدف

سنچورین: پاکستان اور جنوبی افریقہ کے درمیان کھیلے جانے پہلے ٹیسٹ میچ کی دوسری اننگز میں پاکستانی ٹیم 190 رنز پر ڈھیر ہوگئی اور جنوبی افریقہ کو جیت کے لیے صرف 149 رنز کا ہدف دے دیا۔

تفصیلات کے مطابق سنچورین ٹیسٹ میچ کے دوسرے روز کا کھیل ختم ہوگیا، قومی ٹیم دوسری اننگز میں 190 رنز پر ڈھیر ہوگئی اور جنوبی افریقہ کو جیت کے لیے 149 رنز کا آسان ہدف دے دیا، اولیویئر نے پانچ وکٹیں حاصل کیں۔

پاکستان کی جانب سے امام الحق اور شان مسعود نے نصف سنچریاں اسکور کیں، دونوں نے بالترتیب 57 اور 65 رنز بنائے، کپتان سرفراز احمد دونوں اننگز میں بغیر کوئی رن بنائے پویلین لوٹ گئے۔

اوپنر فخر زمان پہلی اننگز کی طرح دوسری اننگز میں ناکام رہے وہ صرف 12 رنز بناسکے، اظہر علی بغیر کوئی رن بنائے پویلین لوٹ گئے۔

اسد شفیق کو 6 رنز پر ڈیل اسٹین نے آؤٹ کیا جبکہ بابر اعظم 6 رنز پر ربادا کی گیند پر کلین بولڈ ہوئے، محمد عامر کو 12 رنز پر ربادا نے پویلین بھیج دیا۔

یاسر شاہ بھی بغیر کوئی رن بنائے اولیویئر کی گیند پر وکٹ کیپر ڈی کوک کو کیچ دے بیٹھے، شاہین شاہ آفریدی 4 رنز بنا کر آؤٹ ہوئے۔

جنوبی افریقہ کی جانب سے پہلی اننگز میں 6 وکٹیں حاصل کرنے والے اولیویئر نے دوسری اننگز میں بھی 5 وکٹیں حاصل کیں، ربادا نے تین اور ڈیل اسٹین نے دو کھلاڑیوں کو پویلین کی راہ دکھائی۔

یہ پڑھیں: سنچورین ٹیسٹ کا پہلا دن: پاکستانی ٹیم 181 رنز پر ڈھیر، جنوبی افریقہ کے 5 وکٹ پر 127 رنز

قبل ازیں جنوبی افریقہ نے 127 رنز 5 کھلاڑی آؤٹ پر اپنی اننگز شروع کی تو پوری ٹیم 223 رنز پر آؤٹ ہوگئی، پروٹیز کے باووما نے 53 رنز کی شاندار اننگز کھیلی جبکہ وکٹ کیپر ڈی کوک نے 45 رنز بنائے۔

پاکستان کی جانب سے محمد عامر اور شاہین شاہ آفریدی نے چار، چار وکٹیں حاصل کیں، فاسٹ بولر حسن علی نے دو کھلاڑیوں کو پویلین کی راہ دکھائی۔

Comments

comments

یہ بھی پڑھیں