The news is by your side.

Advertisement

بلاول بھٹو آئندہ ہفتے پیپلز پارٹی کا انتخابی منشورجاری کریں گے

اسلام آباد: پیپلز پارٹی کا انتخابی منشور تیاری کے آخری مراحل میں ہے، چیئرمین پیپلز پارٹی بلاول بھٹو زرداری آئندہ ہفتے اسے جاری کریں گے۔

تفصیلات کے مطابق منشور کمیٹی کے اجلاس زرداری ہاؤس اسلام آباد میں روزانہ کی بنیاد پر ہورہے ہیں جن میں بلاول بھٹو خود انتخابی منشور کی تیاری کا جائزہ لیتے ہیں۔

ذرائع کا کہنا ہے کہ جنوبی پنجاب صوبے کا قیام، بین الصوبائی ہم آہنگی، مالی وسائل کی مساوی تقسیم اور قدرتی وسائل پر صوبوں کا حق یقینی بنانا پیپلز پارٹی کے انتخابی منشور کا بنیادی حصہ ہیں۔

انتخابی منشور کے تحت چھوٹے صوبوں کی محرومیاں ختم کی جائیں گی اور دیہی آبادی کو شہروں کے برابر لایا جائے گا، بلوچستان کی محرومی ختم کرنے کے لیے بڑے انتظامی و مالی اقدامات کیے جائیں گے جب کہ فاٹا کو کے پی میں ضم کردیا جائے گا۔

ذرائع کے مطابق زراعت اولین ترجیح، توانائی، صنعت کے شعبوں پر خصوصی توجہ، خارجہ اور داخلہ پالیسی بہتر بنانے، انتہا پسندی، دہشت گردی کے خاتمے کے لیے واضح حکمت عملی اپنائی جائے گی۔

تحریک انصاف نے پہلے سو روزہ ایجنڈے کا اعلان کردیا


تعلیم و صحت کے شعبے میں اصلاحات، بے روزگاری کا خاتمہ، نظام عدل میں اصلاحات، احتساب کا نظام شفاف بنانا، نوجوانوں کو فیصلہ سازی اور اہم امور میں شامل کرنا ترجیحات کا حصہ ہے۔

ذرائع کا کہنا ہے کہ خواتین، غیرمسلم آبادیوں، کم زور طبقات کے حقوق کی حفاظت کو خصوصی توجہ دی جائے گی، محنت کشوں کے حقوق کو یقینی بنایا جائے گا، زرعی ٹیوب ویلز کومفت بجلی، کھاد و دیگر اشیا کے لیے کسان کارڈ کا اجرا ہوگا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں