حکومت کی جانب سے پیٹرولیم مصنوعات کی قیمتوں میں کمی کا اعلان کردیا گیا۔
حکومت نے پیٹرول کی قیمت میں 5 روپے 66 پیسے فی لیٹر کمی کی ہے جس کے بعد پیٹرول کی نئی قیمت 263 روپے 2 پیسے فی لیٹر مقرر ہوگئی۔
ہائی اسپیڈ ڈیزل کی قیمت میں ایک روپے 39 پیسے فی لیٹر کم کی گئی ہے جس کے بعد ہائی اسپیڈ ڈیزل کی نئی قیمت 275 روپے 41 پیسے ہوگئی۔
لائٹ ڈیزل 2 روپے 75 پیسے سستا ہوکر 162 روپے 76 پیسے فی لیٹر مقرر ہوگیا۔
مٹی کے تیل کی قیمت میں بھی 3 روپے 26 پیسے فی لیٹر کمی کی گئی ہے جس کے بعد نئی قیمت 181 روپے 71 پیسے فی لیٹر ہوگئی۔
واضح رہے کہ پیٹرولیم مصنوعات کی قیمتوں میں کمی کا اطلاق رات 12 بجے سے ہوگا۔
حکومت کی جانب سے ہر 15 روز میں پیٹرولیم مصنوعات کی قیمتوں میں ردوبدل کیا جاتا ہے موجودہ قیمتیں 31 اکتوبر تک برقرار رہیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں