The news is by your side.

Advertisement

جنگ بندی معاہدے کی خلاف ورزی، پاکستان کا بھارت سے شدید احتجاج

اسلام آباد : پاکستان نے بھارت کی جانب سے بھارت کی جانب سے جنگ بندی معاہدے کی خلاف ورزی پر شدید احتجاج کیا اور کہا بھارت کا سویلین آبادی کونشانہ بناناقابل مذمت ہے۔

تفصیلات کے مطابق بھارتی فوج کی جانب سے ایل او سی پر سیز فائر کی خلاف ورزی پربھارتی ناظم الامور کو دفتر خارجہ طلب کیا گیا اور احتجاجی مراسلہ تھمایا دیا۔

دفتر خارجہ نے بھارت کی جانب سے جنگ بندی معاہدے کی خلاف ورزی پر شدید احتجاج کرتے ہوئے کہا بھارتی فورسز کی بلااشتعال فائرنگ سے 33 سالہ انصر شہید ہوا ، بھارت مسلسل سویلین آبادی کونشانہ بنارہاہے۔

ترجمان دفترخارجہ کا کہنا تھا کہ بھارت اس سال2 ہزار 840 بار معاہدے کی خلاف ورزی کرچکا ہے جبکہ سیز فائر کی خلاف ورزی کے دوران 27 افراد شہید 245 زخمی ہوئے، بھارت کاسویلین آبادی کونشانہ بناناقابل مذمت ہے۔

یاد رہے بھارتی فوج نے باگسر سیکٹر پر شہری آبادی کو جان بوجھ کر نشانہ بنایا، بھارتی فوج کی فائرنگ سے 33 سالہ عنصر نامی شہری شہید ہوگیا تھا۔

Comments

یہ بھی پڑھیں