site
stats
پاکستان

ایل او سی کی خلاف ورزی پر بھارتی ڈپٹی ہائی کمشنر کی دفتر خارجہ طلبی

اسلام آباد: پاکستان نے بھارت کے قائم مقام ڈپٹی ہائی کمشنر رگھو رام کو دفتر خارجہ طلب کر کے نکیال سیکٹر میں بلا اشتعال فائرنگ پر شدید احتجاج کیا۔

تفصیلات کے مطابق بھارت کی لائن آف کنٹرول پر مسلسل اشتعال انگیزی پر پاکستان نے شدید احتجاج کیا ہے۔

بھارت کے قائم مقام ڈپٹی ہائی کمشنر رگھو رام کو دفتر خارجہ طلب کیا گیا اور نکیال سیکٹر میں بلا اشتعال فائرنگ اور شہریوں کو نشانہ بنانے پر احتجاجی مراسلہ ان کے حوالے کیا گیا۔

اس موقع پر دفتر خارجہ کا کہنا تھا کہ جان بوجھ کر شہری آبادیوں کو نشانہ بنانا قابل مذمت اور انسانی وقار کے خلاف ہے۔ بلا اشتعال فائرنگ، سیز فائر اور انسانی حقوق کی خلاف ورزی ہے۔

یاد رہے کہ ایک روز قبل 28 جون کو نکیال سیکٹر میں بھارت کی بلا اشتعال فائرنگ سے ایک شہری شہید اور خاتون سمیت 3 افراد زخمی ہوگئے تھے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top