The news is by your side.

Advertisement

کرایوں میں اضافہ، ٹرین مسافروں کیلئے اہم خبر

لاہور: پاکستان ریلوے کی جانب سے مسافر ٹرینوں کے کرایوں میں کیا گیا دس فیصد اضافہ آج سے نافذ العمل ہوگیا، کرایوں میں اضافہ کا اطلاق تمام ٹرینوں کی تمام کلاسوں پر ہوگا۔

تفصیلات کے مطابق مسافر ٹرینوں کے کرایوں میں اضافہ آج سے نافذ العمل ہوگا، پاکستان ریلوے کی جانب سے جاری کیے گئے نوٹیفکیشن میں کہا گیا ہے کہ مسافر ٹرینوں کے کرایوں میں دس فیصد اضافہ کیا گیا جبکہ مال بردار ٹرینوں کے کرایوں میں پانچ فیصد اضافہ پانچ نومبر سے نافظ العمل ہوگا۔

کرایوں میں اضافہ کا اطلاق تمام ٹرینوں کی تمام کلاسوں پر ہوگا ۔

ریلوے انتظامیہ کے مطابق کرایوں میں اضافہ پیٹرولیم مصنوعات کی بڑھتی قیمتوں کے پیش نظر کیا گیا جبکہ پرائیویٹ ٹرینوں کی انتظامیہ کو بھی ان ٹرینوں کے کرایوں میں دس فیصد تک اضافہ کرنے کی اجازت دے دی گئی ہے‌۔

دوسری جانب پاکستان ریلوے نے راوی ایکسپریس کو آج سے بحال کرنے کا فیصلہ کرلیا ہے ، ٹرین دن 2بجے شور کوٹ کینٹ سے لاہور روانہ ہوئی، شورکوٹ کینٹ سےلاہورتک چلنےوالی ٹرین کورونا کے باعث بند کی گئی تھی۔

خیال رہے 26 اکتوبر کو پٹرولیم مصنوعات کی بڑھتی قیمتوں کے پیش نظر پاکستان ریلوے نے تمام ٹرینوں کے کرایوں میں اضافے کا اعلان کیا تھا۔

ترجمان کا کہنا تھا کہ مسافرٹرینوں کے کرایوں میں اضافہ یکم نومبر اورفریٹ ٹرینوں کے کرایوں میں اضافہ 5 نومبر سے ہوگا۔

Comments

یہ بھی پڑھیں