The news is by your side.

Advertisement

پاکستان ریلوے کا آج رات 12 بجے سے ٹرین آپریشن معطل کرنے کا فیصلہ

کراچی: پاکستان ریلوے نے آج رات 12 بجے سے ٹرین آپریشن معطل کرنے کا فیصلہ کر لیا، نوٹی فکیشن بھی جاری کر دیا گیا۔

تفصیلات کے مطابق محکمہ ریلوے نے کرونا وائرس کے پھیلاؤ کے خدشے کے پیش نظر ٹرین آپریشن معطل کر دیا، نوٹی فکیشن میں کہا گیا ہے کہ ٹرین آپریشن آج رات 12 بجے سے 31 مارچ تک معطل رہے گا۔

ایڈوانس بکنگ والے مسافروں کو ہدایت کی گئی ہے کہ فل ریفنڈ حاصل کرنے کے لیے ریلوے سے رابطہ کریں۔

ترجمان ریلوے نے کہا ہے کہ آج رات 12 بجے سے پہلے تمام ٹرینیں اپنی منزل پر روانہ ہوں گی، جب کہ ٹرین آپریشن معطلی کا اطلاق صرف مسافر ٹرینوں پر ہوگا، فریٹ ٹرینوں پر نہیں۔

آج شام تک دیگر صوبوں کے لوگ سندھ سے نکل جائیں گے: شیخ رشید

ادھر ٹرین آپریشن معطلی کے اعلان کے ساتھ ہی کینٹ اسٹیشن کراچی پر مسافروں کا رش ہو گیا ہے، اندرون ملک جانے والے مسافروں کی بڑی تعداد کینٹ اسٹیشن پر موجود ہے، ہزاروں مسافر بغیر کسی حفاظتی انتظام کے پلیٹ فارم میں داخل ہو گئے ہیں۔

دوسری طرف ریلوے ہیڈکوارٹرز لاہور میں وفاقی وزیر شیخ رشید کی زیر صدارت اجلاس منعقد ہوا، شیخ رشید نے ویڈیو لنک کے ذریعے اجلاس کی صدارت کی، اجلاس میں ہونے والے فیصلوں سے وفاقی وزیر ریلوے عوام کو جلد آگاہ کریں گے۔ یاد رہے کہ آج صبح اے آر وائی نیوز سے گفتگو کرتے ہوئے شیخ رشید نے کہا تھا کہ ریلوے کو لاک ڈاؤن میں شامل نہ کرنا زیادتی تھی۔

وزیر ریلوے کا کہنا تھا کہ لوگ سندھ سے پنجاب اور اپ کنٹری جا رہے ہیں، مزدوروں کو اگر گھروں تک نہیں پہنچایا تو بہت برا حال ہوگا، لاکھوں مزدور لاک ڈاؤن کی وجہ سے گھر جانا چاہتے ہیں، آج شام تک سندھ سے لوگوں کو گھروں کے لیے ٹرینوں پر روانہ کر دیا جائے گا۔

fb-share-icon0
Tweet 20

Comments

comments

یہ بھی پڑھیں