The news is by your side.

Advertisement

ڈی جی رینجرز پنجاب میجر جنرل عمر فاروق کا اگلے مورچوں کا دورہ

شکرگڑھ: ڈی جی رینجرز پنجاب میجر جنرل عمر فاروق برکی نے شکر گڑھ سیکٹر کا دورہ کیا اور پنجاب رینجرز کی پیشہ ورانہ تیاریوں کا جائزہ لیا۔

تفصیلات کے مطابق شکر گڑھ سیکٹر پہنچنے پر ڈائریکٹر جنرل پنجاب رینجرز میجر جنرل عمر فاروق کا سیکٹر کمانڈر بریگیڈئر امجد حسین نے استقبال کیا اور رینجرزکی آپریشنل تیاریوں اورتربیت کے متعلق تفصیلی بریفنگ دی۔

انھیں بتایا گیا کہ پنجاب رینجرز کے بہادر جوان کسی بھی قسم کی جارحیت کا منہ توڑجواب دینے اور ور کنگ باؤنڈری اور انٹرنیشنل بارڈر کا دفاع کرنے کے لیے ہمہ وقت تیار ہیں، بعد ازاں ڈی جی رینجرز نے اگلے مورچوں کا دورہ کیا اور رینجرز کے جوانوں سے ملاقات کی۔

انہوں نے ہر قسم کے نامساعد حالات کے سامنے سینہ سپر رہنے والے جوانوں تعریف کی اور کمانڈروں سے اظہار خیال کرتے ہوئے کہا کہ پاکستان رینجرز پنجاب اپنے عزم پر قائم ہے کہ قومی امنگوں کے مطا بق ورکنگ باؤنڈری اور بین الاقومی سرحد ناقابل تسخیر رہیں گی۔

بلاشبہ پنجاب رینجرز کے پاس ہر قسم کی للکار سے نمٹنے کے لیے بہادری اور حوصلہ بدرجہ اتم موجود ہے۔

Comments

comments

یہ بھی پڑھیں