Pakistan-Rangers-Sindh have done operation in different areas of Karachi
The news is by your side.

Advertisement

کراچی: رینجرز کی کارروائیاں‘ 4 ملزمان زیرِحراست

کراچی: شہرقائد کے مختلف علاقوں میں کارروائیاں کرتے ہوئے پاکستان رینجرزسندھ نے 4 ملزمان کو حراست میں لے لیا، ملزمان کے قبضے سے اسلحہ اورمنشیات برآمد ہوئیں.

ترجمان پاکستان رینجرزسندھ کے مطابق کراچی کے مختلف علاقوں میں کارروائیاں کرتے ہوئے 4 ملزمان کو حراست میں لے لیا، ملزمان بھتہ خوری،منشیات فروشی ودیگرجرائم میں ملوث ہیں.

شیرشاہ کے علاقے سے بھتہ خور شاہد علی تحویل میں کیا، بن قاسم سے منشیات فروش گل احسن،غلام نبی اورکشمیر کو زیر حراست لیا، اس کے علاوہ ملزمان کے قبضے سے اسلحہ اورمنشیات برآمد ہوئیں.

کراچی میں رینجرزآپریشن جاری

یاد رہے تین روز قبل پاکستان رینجرز(سندھ) نے شہرقائد میں‌ شرپسندوں کے خلاف کامیاب کارروائیاں کرتے ہوئے پانج ملزمان‌ کو حراست میں لیا تھا

علاوہ ازاں رواں ماہ یکم مارچ کو رینجرز نے شہر بھر میں کاروائیاں کرتے ہوئے آٹھ ملزمان کو اپنی تحویل میں لیا تھا، رینجرزترجمان کا کہنا تھا کہ ملزمان غیرقانونی اسلحے کی خرید وفروخت اور منشیات فروشی میں ملوث ہیں.

دوسری جانب روان ماہ میں‌ ہی سپر ہائی وے ٹول پلازہ پرسندھ رینجرز نے مسافر بس کی تلاشی کے دوران 15 سالہ مسافر لڑکی کی مدد کے لیے پکار پر فوری ردعمل دیتے ہوئے اغوا کاروں سمیت دو مغوی لڑکیوں کو بازیاب کر الیا ہے، جبکہ دو اغوا کاروں کو بھی حراست میں لیا تھا.

Comments

comments

یہ بھی پڑھیں