The news is by your side.

Advertisement

پاکستان کرونا کیسز کی تعداد کے لحاظ سے دنیا میں 19 ویں نمبر پر آ گیا، 985 جاں بحق

خیبر پختون خوا میں 345، سندھ 299، پنجاب 289، بلوچستان 38، اسلام آباد 9، گلگت بلتستان میں 4 اموات ہوئیں

اسلام آباد: کرونا وائرس کی عالمگیر وبا میں پاکستان کیسز کی تعداد کے لحاظ سے دنیا کا 19 واں ملک بن گیا ہے، چند دن قبل تک پاکستان بیسویں نمبر پر تھا، ملک میں اب تک 45,898 کیسز کی تصدیق ہو چکی ہے، یہ وبا اب تک 213 ممالک کو لپیٹ میں لے چکی ہے۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین کی عالمگیر وبا سے پاکستان بھر میں 45,898 افراد متاثر ہو چکے ہیں، گزشتہ چوبیس گھنٹوں کے دوران مزید 46 افراد جان کی بازی ہار گئے، جس کے بعد اموات کی تعداد 985 ہو گئی ہے۔

پاکستان میں آبادی کے لحاظ سے کرونا وائرس سے متعلقہ اعداد و شمار کچھ یوں ہے کہ 10 لاکھ آبادی میں اموات کی شرح 4 فی صد ہے، جب کہ 10 لاکھ آبادی میں کیسز کی تعداد بھی 208 ہے۔ ملک میں 111 مریضوں کی حالت تشویش ناک ہے۔ کرونا وائرس کی تشخیص کے لیے کیے جانے والے ٹیسٹس کی شرح 10 لاکھ آبادی میں 1,880 ہے۔

ملک کے مختلف شہروں میں اس وقت کرونا کے زیر علاج مریضوں کی تعداد 31 ہزار 812 ہے، پاکستان میں 24 گھنٹوں کے دوران کرونا کے 1,932 نئے کیسز رپورٹ ہوئے، جب کہ اب تک 13,101 مریض وائرس سے لاحق ہونے والی بیماری سے صحت یاب ہو چکے ہیں۔

کمانڈ سینٹر کا کہنا ہے کہ گزشتہ چوبیس گھنٹوں کے دوران ملک میں مزید چھیالیس اموات رپورٹ ہوئیں، سب زیادہ اموات اب تک خیبر پختون خوا میں ہوئی ہیں جن کی تعداد 345 ہے، اس کے بعد سندھ میں 299 اموات، پنجاب میں 289 اموات، بلوچستان میں 38، اسلام آباد میں 9، جب کہ گلگت بلتستان میں 4 اموات ہوئیں۔

عالمگیر وبا نے مزید 1 لاکھ افراد متاثر کر دیے، ایک دن میں 4,589 اموات

سندھ میں کرونا کیسز کی تعداد سب سے زیادہ 17,947 ہو گئی، پنجاب میں 16,685 کرونا کیسز رپورٹ ہو چکے ہیں، خیبر پختون خوا میں کیسز کی تعداد 6,554، بلوچستان میں 2,885، اسلام آباد میں 1,138 ہو گئی، گلگت بلتستان میں 556 کرونا کیسز رپورٹ ہوئے، آزاد کشمیر میں کیسز کی تعداد 133 ہے۔

گزشتہ 24 گھنٹوں کے دوران ملک میں 13 ہزار 962 کرونا ٹیسٹ کیے گئے، این سی او سی کے مطابق ملک میں اب تک کرونا کے 4 لاکھ 14 ہزار 254 ٹیسٹ کیے جا چکے ہیں۔ پنجاب میں 5,076 مریض صحت یاب ہوئے ہیں، سندھ میں 4,741 مریض، خیبر پختون خوا میں 2,058 مریض، بلوچستان میں 608 مریض، گلگلت بلتستان میں 390 مریض، اسلام آباد میں 151 جب کہ آزاد جموں و کشمیر میں 77 مریض صحت یاب ہو چکے ہیں۔

fb-share-icon0
Tweet 20

Comments

comments

یہ بھی پڑھیں