اسلام آباد : معروف جریدے دی اکانومسٹ نے اعتراف کیا ہے کہ کورونا کے دوران وزیراعظم عمران خان کے متوازن فیصلوں اور این سی او سی کے بہتر اقدامات سے صورتحال معمول پر آئی اور معیشت بحال ہوگئی۔
تفصیلات کے مطابق معروف جریدے دی اکانومسٹ نے عالمی معیشتوں پر رپورٹ جاری کردی ہے ، جس میں بتایا گیا کہ پچاس ملکوں کی نارملیسی انڈیکس میں کوویڈ کے بعد بحالی کے اعداد و شمار کے مطابق پاکستان فہرست میں مصر کے بعد دوسرے نمبر پر رہا۔
دی اکانومسٹ نے کہا پاکستان نےکوویڈ کے خلاف موثر اقدامات کیے، جس کے باعث پاکستان کو کوویڈ کے خلاف اقدامات میں بہترین ممالک میں رکھا گیا، اعداد و شمار جنوری2021سے جنوری 2022تک اکٹھے کیے گئے۔
دی اکانومسٹ نے کوویڈ کیخلاف اقدامات میں پاکستان کو سرفہرست کا درجہ دیا، کوویڈ کے خلاف اقدامات میں کئی ممالک کو رپورٹ میں شامل کیا گیا تھا۔
اس حوالے سے وفاقی وزیر منصوبہ اسد عمر نے سماجی رابطے کی ویب سائٹ ٹوئٹر پر دی اکانومسٹ انڈیکس شیئر کرتے ہوئے ہوئے کہا پاکستان دنیا کا واحد ملک ہے جو نارملیسی انڈیکس میں تینوں رینکنگ میں ٹاپ تھری پر ہے، پاکستان کو کوویڈ کے خلاف اقدامات میں سرفہرست کارکردگی کے طور پر تسلیم کیا گیا۔
Pakistan ranked number 2 in the world in Economist global normalcy index measuring recovery post covid opening up of society & economy. Pak was 3rd in the first evaluation and number 1 in the second. Pakistan is the only country in the world to be in top 3 in all three rankings pic.twitter.com/2S7gTbStH2
— Asad Umar (@Asad_Umar) January 20, 2022
وزیرمملکت فرخ حبیب نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم کی قیادت میں ہرشعبہ 100فیصد معمول کےحالات میں واپس آگیا، عالمی جریدے اکنامسٹ نے کورونا سے متعلق50ممالک کاانڈیکس جاری کیا، اکنامسٹ نے نارمیلسی انڈیکس میں پاکستان کو دنیا میں دوسرے نام پر قرار دیا، اب بھی ہم اومی کرون ویرینٹ سےمتعلق احتیاط جاری رکھیں گے۔
