The news is by your side.

Advertisement

چوہدری نثار کا ڈونلڈ ٹرمپ کے انٹرویو پرشدید ردعمل

اسلام آباد: وزیر داخلہ چوہدری نثارعلی خان کا کہنا ہے شکیل آفریدی کی قسمت کا فیصلہ پاکستانی حکومت اور عدالتوں کوکرنا ہے، ڈونلڈ ٹرمپ امریکی صدر بن بھی جائیں تو اس حوالے سے وہ کوئی فیصلہ نہیں کرسکتے۔

امریکی صدارتی امیدوار ڈونلڈ ٹرمپ کے انٹرویو پر شدید ردعمل کا اظہار کرتے ہوئے وفاقی وزیر داخلہ چوہدری نثار نے ان کے بیان کو انتہائی غیرمناسب قرار دیا ہے۔

چوہدری نثارنے کہا ہے شکیل آفریدی پاکستانی شہری ہے اور ان کی قسمت کا فیصلہ حکومت اور عدالتوں کو کرنا ہے،شکیل آفریدی سے متعلق ہدایات دینے کا حق کسی کو نہیں، پاکستان امریکا کی کالونی نہیں ہے۔

انہوں نے ڈونلڈ ٹرمپ کو خود مختار ملک کے ساتھ بات کرنے کا سلیقہ سیکھنے کا مشورہ بھی دیا ہے۔

Comments

comments

یہ بھی پڑھیں