site
stats
پاکستان

پاکستان ایک بارپھرکیمیائی ہتھیاروں کی روک تھام کی عالمی تنظیم کا رکن منتخب ہوگیا

ہیگ: کیمیائی ہتھیاروں کی روک تھام کے لئے پاکستان کی کاوشوں کو سراہتے ہوئے کیمیائی ہتھیاروں کی روک تھام کی عالمی تنظیم (او پی سی ڈبلیو) کی مجلسِ عاملہ نے 2016 سے 2018 تک لئے رکن منتخب کرلیا۔

دفترِ خارجہ کی جانب سے جاری کردہ اعلامیے کے مطابق کیمیائی ہتھیاروں کی عالمی تنظیم کے رکن ممالک کا اجلاس 30 نومبرسے چاردسمبر2015 تک جاری رہا۔

اجلاس میں کیمیائی ہتھیاروں کی روک تھام کے لئے پاکستان کی خدمات کے اعتراف کے لئے پاکستان کو آئندہ دو سال کے لئے تنظٰیم کا رکن منتخب کرلیا گیا ہے۔

دفترِخارجہ کی جانب سے او پی سی ڈبلیو میں تعینات پاکستان کےمستقل نمائندے معظم احمد خان نے اجلاس سے خطاب کرتے ہوئے کیمیائی ہتھیاروں کی روک تھام کے لئے پاکستان کی جانب سے اٹھائے گئے اقدامات اور اس حوالے سے پاکستان کے عزم کے بارے میں گفتگو کی۔

انہوں زور دیا کہ پاکستان عالمی دنیا کے شانہ بشانہ دنیا کو کیمیائی ہتھیاروں سے پاک کرنے کی مہم میں شریک ہے۔

واضح رہے کہ پاکستان کیمیائی ہتھیاروں کی روک تھام کے کنونشن کو قبول کرنے والے اولین ممالک میں شامل ہے اور کیمیائی ہتھیاروں کی روک تھام کی تنظیم کا متحریک رکن ہونے کے ساتھ ایشیا میں تنظیم کا معاون بھی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top