The news is by your side.

Advertisement

پاکستان کا نئی دہلی میں ہائی کمیشن پر مظاہرین کی ہنگامہ آرائی پر احتجاج

اسلام آباد: پاکستان نے نئی دہلی میں واقع پاکستان ہاؤس پر بھارتی پُر تشدد مظاہرین کی جانب سے شدید ہنگامہ آرائی پر بھارتی حکام سے احتجاج کیا۔

تفصیلات کے مطابق نئی دہلی میں پاکستانی ہائی کمیشن پاکستان ہاؤس پر بھارتی انتہا پسندوں کی جانب سے شدید ہنگامہ آرائی کی گئی، پرتشدد مظاہرین نے حکام کی موجودگی میں پاکستان ہاؤس کا دروازہ توڑ دیا۔

نئی دہلی میں پرتشدد مظاہرین نے سیکورٹی حکام کی موجودگی میں پاکستان ہاؤس کا دروازہ توڑا۔

پاکستان میں قائم مقام بھارتی ہائی کمشنر کو بھیجے گئے احتجاجی مراسلے میں احتجاج ریکارڈ کرایا گیا۔

مراسلہ اسپیشل سیکریٹری ساؤتھ پیسفک امتیاز احمد کی جانب سے بھجوایا گیا، ترجمان نے بتایا ہے کہ نئی دہلی میں پرتشدد مظاہرین نے سیکورٹی حکام کی موجودگی میں پاکستان ہاؤس کا دروازہ توڑا۔

احتجاج کے باوجود بھارتی حکومت پاکستانی ہائی کمیشن اور سفارتی عملے کو تحفظ دینے میں نا کام رہی، امتیاز احمد نے مطالبہ کیا کہ بھارتی حکومت اس واقعے کی فوری تحقیقات کرائے۔

یہ بھی پڑھیں:  بھارت باز نہ آیا، ترجمان دفتر خارجہ ڈاکٹر فیصل کا ذاتی ٹویٹر اکاؤنٹ بلاک کروادیا گیا

اسپیشل سیکریٹری نے کہا کہ بھارتی حکومت پاکستانی سفارتی عملے اور املاک کو مکمل تحفظ فراہم کرے اور مستقبل میں ایسے واقعات کی روک تھام کے لیے ضروری اقدامات یقینی بنائے۔

ادھر بھارت کی جانب سے اوچھے ہتھکنڈے بھی جاری ہیں، ترجمان دفتر خارجہ ڈاکٹر محمد فیصل کا ذاتی ٹویٹر اکاؤنٹ بلاک کروا دیا گیا، ڈاکٹر فیصل ذاتی ٹویٹر اکاؤنٹ سے کلبھوشن کیس کی خبر دے رہے تھے۔

Comments

comments

یہ بھی پڑھیں