The news is by your side.

Advertisement

پاکستان میں کورونا سے اموات کی شرح صفر ، مزید 238 نئے کیسز رپورٹ

اسلام آباد : پاکستان میں کورونا سے اموات کی شرح صفر ریکارڈ کی جارہی ہے ، ایک روز میں 238 نئے کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن سینٹر نے کورونا وبا کے تازہ ترین اعدادو شمار جاری کردیئے ، جس میں بتایا گیا ہے کہ ملک میں 24 گھنٹے میں کورونا سے کوئی موت واقع نہیں ہوئی ، جس کے بعد کورونا سے انتقال کرنے والے افراد کی مجموعی تعداد 30ہزار361 ہوگئی ہے۔

این سی اوسی کا کہنا ہے کہ چوبیس گھنٹے میں کورونا کے 25 ہزار 383 ٹیسٹ کیے گئے، جس میں مزید 238 افراد میں کورونا مثبت نکلا ، اس دوران ملک میں کورونا کے کیسز مثبت آنے کی شرح 0.93 فیصد رہی۔

نیشنل کمانڈ ایںڈ آپریشن سینٹر نے بتایا کہ کورونا کے زیرعلاج مریضوں میں سے 272 کی حالت تشویشناک ہے جبکہ ملک بھر میں کورونا سے متاثر ہونے والوں کی مجموعی تعداد 15 لاکھ 26 ہزار 472 تک پہنچ گئی ہے۔

اعداد و شمار کے مطابق سندھ میں کورونا کیسز کی تعداد پانچ لاکھ 76 ہزار 291 ، پنجاب میں 5 لاکھ 05 ہزار332 ، خیبرپختونخوا میں 2 لاکھ 19 ہزار 238 اور بلوچستان میں 35 ہزار480 ہے جبکہ اسلام آباد میں ایک لاکھ 35 ہزار 119، گلگت بلتستان میں 11 ہزار 718 اور آزاد کشمیر میں 43 ہزار 294 کیسز سامنے آچکے ہیں۔

Comments

یہ بھی پڑھیں