The news is by your side.

Advertisement

پاکستان میں کورونا سے مزید 52 اموات ، 1200 سے زائد کیسز رپورٹ

اسلام آباد : پاکستان میں کورونا سے مزید 52 مریض جاں بحق ہوگئے جبکہ 1200 سے زائد کورونا کیسز سامنے آئے، جس کے بعد اموات کی تعداد 12 ہزار 488  تک جا پہنچی۔

تفصیلات کے مطابق نیشنل کمانڈ اینڈ آپریشن سینٰٹر نے ملک میں کوروناوائرس کے تازہ اعدادو شمار جاری کردیئے ، جس میں بتایا گیا ملک میں 24 گھنٹے  میں 52 کورونا مریض انتقال کرگئے، جس کے بعد کورونا سے انتقال کرنے والوں کی تعداد 12 ہزار 488 ہوگئی۔

این سی اوسی کا کہنا تھا کہ گزشتہ 24 گھنٹے میں ملک میں 36 ہزار 543 کورونا ٹیسٹ کیے گئے، جس میں سے ایک ہزار272 افراد میں کورونا کی تصدیق ہوئی ، جس کے بعد کورونا کے فعال کیسزکی تعداد 24 ہزار 176ہے جبکہ متاثرہ افراد کی مجموعی تعداد 5 لاکھ 67 ہزار 261 ہو گئی ہے۔

ملک میں کورونا سے 5 لاکھ 30 ہزار 597 افراد صحتیاب ہو چکے ہیں اور زیر علاج مریضوں کی تعداد 24 ہزار 176 ہے۔

اعدادو شمار کے  مطابق سندھ میں کورونا کیسزکی تعداد 2 لاکھ 54 ہزار 678 ، نجاب میں ایک لاکھ 65 ہزار 716 ، خیبر پختونخوا میں 70 ہزار 306 ، بلوچستان  میں 18 ہزار 958 ہوگئی جبکہ اسلام آباد میں 43 ہزار 29، آزاد کشمیر میں 9 ہزار 629 اور گلگت بلتستان میں 4 ہزار 945 افراد کورونا سے متاثر ہ چکے ہیں۔

خیال رہے پاکستان میں کرونا وائرس ویکسی نیشن کے لیے 65 سال اور اس سے زائد عمر کے افراد کی رجسٹریشن کا آغاز کیا گیا تھا۔

اسد عمر کا کہنا تھا کہ اپنا شناختی کارڈ نمبر ٹائپ کر کے 1166 پر ایس ایم ایس کردیں، اس گروپ کے لیے ویکسی نیشن کا آغاز مارچ سے ہو جائے گا۔

Comments

یہ بھی پڑھیں