The news is by your side.

Advertisement

پاکستان میں کورونا کی شرح کم ترین سطح پر برقرار،7 اموات اور319 کیسز رپورٹ

اسلام آباد : پاکستان میں کورونا کی شرح کم ترین سطح پر برقرار ہے ، ایک دن میں مزید7 افراد جاں بحق اور 319 کیسز سامنے آئے۔

تفصیلات کے مطابق نیشنل کمانڈ اینڈ آپریشن سینٹر نے ملک میں جاری کورونا وبا کی صورتحال کے تازہ اعدادو شمار جاری کردیئے ہیں ، جس میں بتایا گیا ہے کہ ملک میں 24 گھنٹے میں کورونا کے مزید7 مریض جاں بحق ہوگئے ، جس کے بعد کورونا وائرس سے مجموعی اموات کی تعداد 28ہزار655 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 39ہزار200 کورونا ٹیسٹ کیے گئے، جس میں سے 316 افراد میں کورونا کی تصدیق ہوئی، اس دوران پاکستان میں  کورونا کے مثبت  کیسز کی شرح 0.81 رہی۔

نیشنل کمانڈاینڈ آپریشن سینٹر نے بتایا کہ ملک بھر میں کورونا سے متاثرہ ایک ہزار 77 زیرعلاج مریضوں کی حالت تشویشناک ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 81 ہزار599 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد چار لاکھ 73ہزار 918 ، پنجاب میں 4 لاکھ 42 ہزار353 ، خیبرپختونخوا میں ایک لاکھ 79 ہزار473 اور بلوچستان میں 33 ہزار 432 ہے جبکہ اسلام آباد میں ایک لاکھ 7 ہزار447 ، گلگت بلتستان میں 10 ہزار406 اور آزاد کشمیر میں 34 ہزار 530 کیسز سامنے آچکے ہیں۔

خیال رہے نیشنل کمانڈ اینڈ آپریشن سینٹر(این سی او سی) نے کورونا سے متعلق پابندیوں پر نظر ثانی کی اور کووڈ19 کی شرح کو مدنظر رکھتے ہوئے پابندیوں میں نرمی کا فیصلہ کیا جبکہ بارہ سے پندرہ سال کے بچوں کی ویکسی نیشن پندرہ سے ستائیس نومبر تک روک دی ہے۔

Comments

یہ بھی پڑھیں