The news is by your side.

Advertisement

پاکستان میں کورونا سے 5 اموات اور 315 کیسز رپورٹ

اسلام آباد : پاکستان میں کورونا کیسز اور اموات کی شرح کم ترین سطح پر برقرار ہے ، ایک دن میں صرف 5 افراد جاں بحق اور 315 کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کی صورتحال کے تازہ اعدادو شمار جاری کردیئے ہیں ، جس میں بتایا گیا ہے کہ ملک میں 24 گھنٹے میں کورونا کے مزید5 مریض انتقال کرگئے ، جس کے بعد کورونا وائرس سے مجموعی اموات کی تعداد 28ہزار668 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 35ہزار332 کورونا ٹیسٹ کیے گئے، جس میں سے 315 کیسز مثبت رپورٹ ہوئے ، اس دوران پاکستان میں کورونا کے مثبت کیسز کی شرح 0.89 رہی۔

نیشنل کمانڈاینڈ آپریشن سینٹر نے بتایا کہ ملک بھر میں کورونا کے 1026 زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 82 ہزار 510 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد چار لاکھ 74 ہزار 407 ، پنجاب میں 4 لاکھ 42 ہزار556، خیبرپختونخوا میں ایک لاکھ 79 ہزار644 اور بلوچستان میں 33 ہزار453 ہے جبکہ اسلام آباد میں ایک لاکھ 7 ہزار506 ، گلگت بلتستان میں 10 ہزار408 اور آزاد کشمیر میں 34 ہزار536 کیسز سامنے آچکے ہیں۔

خیال رہے نیشنل کمانڈ اینڈ آپریشن سینٹر(این سی او سی) نے کورونا سے متعلق پابندیوں پر نظر ثانی کی اور کووڈ19 کی شرح کو مدنظر رکھتے ہوئے پابندیوں میں نرمی کا فیصلہ کیا تھا۔

Comments

یہ بھی پڑھیں