اسلام آباد : پاکستان نے پاک افغان سرحد پر باڑ لگانے سے متعلق افغان الزامات کو مسترد کرتے ہوئے کہا باڑ لگانے کاعمل عالمی قوانین کےعین مطابق ہے، افغان سرزمین پر تجاوز نہیں کیاجارہا۔
تفصیلات کے مطابق ترجمان دفترخارجہ زاہد حفیظ کی جانب سے جاری بیان میں کہا ہے کہ افغان میڈیارپورٹس،افغان وزارت خارجہ کے باڑ پر مبینہ بیان مسترد کرتے ہیں، پاکستانی فوج کی طرف سے باڑ لگانے کے عمل کو غیرقانونی گرداننے کو مسترد کرتے ہیں۔
ترجمان کا کہنا تھا کہ سیریس سیکیورٹی تشویش دورکرنےکےلئےباڑلگائی جارہی ہے، باڑ لگانے کاعمل عالمی قوانین کےعین مطابق ہے، باڑ لگانےکےعمل میں افغان سرزمین پر تجاوز نہیں کیاجارہا۔
زاہد حفیظ نے کہا کہ مشورہ ہے غلط فہمی دورکرنےکےلئےادارہ جاتی میکنزم پربات کریں، افغانستان نےمشترکہ ٹوپوگرافک سروےکی تجویزکامثبت جواب نہیں دیا، افغانستان کی علاقائی سالمیت کااحترام کرتے ہیں۔
ان کا مزید کہنا تھا کہ برادرملک سےتعلقات یواین چارٹرکےاصولوں کےعین مطابق ہیں، افغانستان سے بھی یہی توقع رکھتے ہیں۔
