اسلام آباد: پاکستان نے ڈس انفارمیشن مہم سے انکار کے بھارتی بیان کو مسترد کر دیا۔
تفصیلات کے مطابق وزارت خارجہ کے ترجمان نے کہا ہے کہ ہم بھارتی وزارت خارجہ کا ای یو رپورٹ سے متعلق انکار مسترد کرتے ہیں۔
دفتر خارجہ کا کہنا ہے کہ ای یو رپورٹ میں 750 جعلی میڈیا کے 116 ممالک میں نیٹ ورک کا بتایاگیا ہے، جب کہ پاکستان کے خلاف 2005 سے فیک نیوز کے ذریعے پروپیگنڈا کیا جا رہا ہے، اس لیے پاکستان بھارتی انکار کو مسترد کرتا ہے۔
ترجمان دفتر خارجہ نے کہا کہ ہم پہلے بھی بھارت کے خلاف ناقابل تردید ثبوت شیئر کر چکے ہیں، بھارت پاکستان میں دہشت گردی کو فروغ دینے میں ملوث ہے، ہیومن رائٹس کونسل اس سارے معاملے کا فوری نوٹس لے۔
گمراہ کن خبروں کا بھارتی نیٹ ورک بےنقاب، عالمی ادارے کے تہلکہ خیز انکشافات
ترجمان کا کہنا تھا کہ سوئیٹزر لینڈ اور بیلجیئم این جی اوز کو فنڈز فراہمی معاملے کی تحقیقات کریں، یورپی یونین بھی پاکستان کے خلاف مہم پر مؤثر کارروائی کرے۔
دفتر خارجہ کے ترجمان نے کہا دنیا نے دیکھ لیا ہے بھارت کس طرح پاکستان کے خلاف دہشت گردی اور پروپیگنڈا کرتا ہے۔
