The news is by your side.

Advertisement

پاکستان ’مزید نگرانی‘ کی فہرست میں برقرار

اسلام آباد: ایشیا پیسیفک گروپ نے پاکستان کو ’مزید نگرانی‘ کی فہرست میں برقرار رکھا ہے۔

تفصیلات کے مطابق اے پی جی نے پاکستان سے متعلق اپنی 14 صفحات کی رپورٹ جاری کر دی، منی لانڈرنگ اور دہشت گردوں کی اعانت کی وجہ سے پاکستان کو ’مزید نگرانی‘ کی فہرست میں برقرار رکھا گیا ہے۔

اے پی جی کی اس رپورٹ کا آئندہ ہفتے ہونے والی ایف اے ٹی ایف کی پلانری میٹنگ سے کوئی تعلق نہیں ہے، اے پی جی نے یہ رپورٹ فروری تک کی گئی پیش رفت کے تناظر میں بنائی ہے۔

بتایا گیا ہے کہ ایشیا پیسیفک گروپ نے یہ فیصلہ فنانشل ایکشن ٹاسک فورس کی سفارشات پر کیا ہے، پیرس اجلاس میں پاکستان کی پہلی پیش کردہ فالواپ رپورٹ کا جائزہ لیا گیا تھا جس میں کہا گیا تھا کہ پاکستان نے ایف اے ٹی ایف کی 40 میں سے 2 سفارشات پر مکمل عمل درآمد کیا۔

اس رپورٹ کے مطابق پاکستان نے 25 نکات پر جزوی، جب کہ 9 سفارشات پر نمایاں پیش رفت کی، پاکستان دہشت گردوں کی مالی معاونت روکنے کے لیے تیزی سے اقدامات کر رہا ہے، انسداد منی لانڈرنگ اور دہشت گردی کی مالی معاونت روکنے کے قوانین بھی پاس ہوئے۔

واضح رہے کہ ایف اے ٹی ایف کی پلانری میٹنگ کا انعقاد 19 سے 21 اکتوبر تک ہوگا، اجلاس میں پاکستان کو ایف اے ٹی ایف کی گرے لسٹ میں رکھنے یا نہ رکھنے کا فیصلہ ہوگا۔

Comments

یہ بھی پڑھیں