The news is by your side.

Advertisement

پاکستان میں ایک روز میں کورونا سے صرف ایک اموات اور 208 کیسز ریکارڈ

اسلام آباد : پاکستان میں کورونا کی شرح کم ترین سطح پر برقرار ہے، ایک روز میں صرف ایک اموات اور 208 کیسز سامنے آئے۔

تفصیلات کے مطابق نیشنل کمانڈ اینڈ آپریشن سینٹر نے کورونا وبا کے تازہ ترین اعدادو شمار جاری کردیئے ، جس میں بتایا گیا ہے کہ ملک میں 24 گھنٹے میں کورونا سے صرف ایک مریض جاں بحق ہوگئے ، جس کے بعد کورونا سے انتقال کرنے والے افراد کی مجموعی تعداد 30 ہزار360 ہوگئی ہے۔

این سی اوسی کا کہنا ہے کہ چوبیس گھنٹے میں کورونا کے 29ہزار176 ٹیسٹ کیے گئے، جس میں مزید 208 افراد میں کورونا مثبت نکلا ، اس دوران ملک میں کورونا کے کیسز مثبت آنے کی شرح 0.71 فیصد رہی۔

نیشنل کمانڈ ایںڈ آپریشن سینٹر نے بتایا کہ ملک میں کورونا کے 403 مریض انتہائی نگہداشت میں زیرعلاج ہیں جبکہ ملک بھر میں کورونا سے متاثر ہونے والوں کی مجموعی تعداد 15 لاکھ 25 ہزار 181 تک پہنچ گئی ہے۔

اعداد و شمار کے مطابق سندھ میں کورونا کیسز کی تعداد پانچ لاکھ 75 ہزار 473 ، پنجاب میں 5 لاکھ 05 ہزار087، خیبرپختونخوا میں 2 لاکھ 19 ہزار 081 اور بلوچستان میں 35 ہزار 475 ہے جبکہ اسلام آباد میں ایک لاکھ 35 ہزار 083، گلگت بلتستان میں 11 ہزار 708 اور آزاد کشمیر میں 43 ہزار 274 کیسز سامنے آچکے ہیں۔

خیال رہے این سی او سی نے کورونا صورتحال میں بہتری کے پیش نظر ماسک کا استعمال روکنے کی سفارش کردی ہے۔

Comments

یہ بھی پڑھیں