اسلام آباد : پاکستان میں مثبت کیسزکی شرح2.27فیصد آگئی ، ایک دن میں 24 اموات ریکارڈ کی گئی جبکہ ایک ہزار 177کیسز رپورٹ ہوئے۔
تفصیلات کے مطابق نیشنل کمانڈ اینڈ آپریشن سینٹر سے کورونا کیسز کے تازہ ترین اعداد و شمار جاری کردیئے گئے ہیں، جس میں بتایا گیا کہ ملک میں کورونا سے 24 گھنٹوں میں مزید چوبیس افراد انتقال کرگئے ، جس کے بعد کورونا سے اموات کی مجموعی تعداد 22 ہزار345 ہوگئی۔
این سی اوسی کا کہنا ہے کہ 24 گھنٹے میں کورونا کے 46 ہزار 941 ٹیسٹ کیے گئے، جس میں سے ایک ہزار دوسوستتر مثبت کیسز سامنے آئے، اس دوران کورونا ٹیسٹ مثبت آنے کی شرح دو اعشاریہ دو۔سات فیصد رہی۔
نیشنل کمانڈ اینڈ آپریشن سینٹر کے مطابق ملک میں کورونا مثبت کیسز کی تعداد 9 لاکھ 59 ہزار685 اور ایکٹو کیسز کی تعداد 31 ہزار 910ہے جبکہ 9 لاکھ 5ہزار430 افراد کورونا سے صحت یاب ہوچکے ہیں۔
اعدادو شمار کے مطابق سندھ میں کورونا کیسز کی تعداد 3 لاکھ 38 ہزار387 ، ، پنجاب میں 3 لاکھ 46 ہزار 454 ، خیبرپختونخوا میں ایک لاکھ 38 ہزار 179اور بلوچستان میں 27 ہزار242 ہوگئی جبکہ اسلام آباد میں 82 ہزار779، آزاد کشمیر 20 ہزار 405 اور گلگت بلتستان میں6 ہزار239 افراد کورونا کیسز رپورٹ ہوئے۔
