The news is by your side.

Advertisement

پاکستان میں کورونا کے ہولناک وار جاری، ایک دن میں 79 اموات، تعداد 24 ہزارسے تجاوزکرگئی

اسلام آباد : پاکستان میں کورونا کی چوتھی لہر کے ہولناک وار جاری ہے ، ایک دن میں 79 اموات ریکارڈ کی گئیں اور 4ہزار600 سے زائد کیسز سامنے آئے۔

تفصیلات کے مطابق نیشنل ایںڈ کمانڈ سینٹر نے ملک میں جاری کورونا وبا کے تازہ اعدادو شمار جاری کردیے ہیں ، جس میں بتایا گیا ہے کہ ملک میں گزشتہ 24گھنٹےمیں79کورونامریض انتقال کرگئے، جس کے بعد کورونا کے باعث اموات کی مجموعی تعداد 24 ہزار 266 ہوگئی۔

این سی او سی کا کہنا ہے کہ ملک بھر میں گزشتہ24گھنٹےمیں59ہزار504کوروناٹیسٹ کیےگئے ، جس میں سے 4ہزار619 افراد میں کورونا کی تصدیق ہوئی اور اس دوران مثبت کورونا کیسز کی شرح 7.76فیصد رہی۔

نیشنل کمانڈاینڈآپریشن نے بتایا ہے کہ ملک میں کیسز مجموعی کی تعداد 10 لاکھ 89 ہزار 913 ہو گئی۔

اعدادو شمار کے مطابق سندھ میں کورونا کیسز کی تعدا چار لاکھ سات ہزار892، پنجاب میں تین لاکھ 69 ہزار 358 ، خیبر پختونخوا میں ایک لاکھ 50 ہزار 708 اور بلوچستان میں 31 ہزار 396 ہوگئی ہے جبکہ اسلام آباد میں 92 ہزار 768، آزاد کشمیر میں 28 ہزار 654 اور گلگت بلتستان میں نو ہزار 137 افراد متاثر ہوچکے ہیں۔

Comments

یہ بھی پڑھیں