اسلام آباد : پاکستان میں ایک اور پولیو کا کیس سامنے آیا، جس کے بعد ملک بھر میں رپورٹ ہوئے پولیو وائرس کیسز کی تعداد 9 ہوگئی۔
تفصیلات کے مطابق بلوچستان میں پولیو کا ایک اور کیس رپورٹ ہوا، ضلع ژوب کی یوسی حسن زئی اربن ٹو سے ڈیڑھ سالہ بچے میں پولیو وائرس کی تصدیق ہوئی۔
متاثرہ بچے میں معذوری کی علامات 28 جون کو ظاہر ہوئیں ، جس کے بعد ملک بھر میں رپورٹ ہوئے پولیو کیسز کی تعداد 9 ہوگئی۔
پی ایم کوآرڈینیٹر برائے صحت ڈاکٹرملک مختار احمد بھرتھ نے کہا کہ وائرس کی جینیاتی جانچ ابھی جاری ہے، وائرس اب تک ملک میں 9 بچوں کومتاثرکرچکا ہے۔
ڈاکٹرملک مختاراحمدبھرتھ کا کہنا تھا کہ 7 پولیو کیسز صرف بلوچستان سےرپورٹ ہوئےتھے، اس علاقے میں پولیو کی واپسی تشویشناک ہے۔
انھوں نے مزید کہا کہ وائرس کی 50 سے زائد اضلاع میں موجودگی بچوں کیلئے خطرہ ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں