The news is by your side.

Advertisement

پاکستان میں کورونا سے مزید 6 اموات، 671 نئے کیسز رپورٹ

اسلام آباد : پاکستان میں چوبیس گھنٹے کے دوران کورونا کے 6 مزید مریض انتقال کرگئے ، جس کے بعد اموات کی تعداد 6ہزار558 ہوگئی جبکہ 671 نئے کیسز رپورٹ ہونے کے بعد مجموعی کیسز 3لاکھ 18ہزار266 تک جا پہنچی۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا صورتحال کے تازہ اعداو شمار جاری کردیئے، جس میں بتایا گیا کہ ملک بھر میں 24 گھنٹےمیں کورونا وائرس سے مزید 6 افراد جاں بحق ہوئے ، جس کے بعد ملک بھر میں کورونا وائرس سے اموات 6ہزار558 ہوگئی۔

این سی اوسی کا کہنا ہے کہ 24گھنٹے میں ملک بھر میں 33ہزار365 کورونا ٹیسٹ کیے گئے، جس میں سے 671 افراد میں کورونا وائرس کی تصدیق ہوئی ، جس کے بعد ملک میں کوروناکےفعال کیسزکی تعداد 8ہزار646 ہے جبکہ مجموعی کیسز کی تعداد 3لاکھ 18 ہزار266 تک جا پہنچی

اعدادو شمار کے مطابق پنجاب میں کورونا کیسز کی تعداد ایک لاکھ 484 ، سندھ میں ایک لاکھ 39 ہزار 910، بلوچستان میں 15 ہزار 498، خیبر پختونخوا میں 38 ہزار 273 ہے جبکہ گلگت بلتستان میں 3 ہزار 900، اسلام آباد میں 17 ہزار 210 اور آزاد کشمیر میں 2 ہزار 991 کیسز رپورٹ ہوئے۔

نیشنل کمانڈ اینڈ آپریشن سینٹر کا کہنا ہے کہ گزشتہ 24گھنٹےمیں کورونا کے 354مریض صحت یاب ہوئے، جس کے بعد صحت یاب افراد کی تعداد 3 لاکھ 3 ہزار62 ہوگئی جبکہ کورونا کے 475 کیسز تشویش ناک اور سنجیدہ نوعیت کے ہیں۔

خیال رہے نیشنل کمانڈاینڈآپریشن سینٹر نے ایس او پیز پر عملدرآمد نہ ہونے پر کورونا کے پھیلاؤ کا خدشہ ظاہر کردیا ، اسد عمر کا کہنا تھا کہ ایس اوپیزپرعملدرآمد سے کورونا کی دوسری لہر سے بچاؤ ممکن ہے۔

Comments

یہ بھی پڑھیں