تازہ ترین

راولپنڈی ٹیسٹ کے لئے 17 رکنی ٹیسٹ اسکواڈ کا اعلان

راولپنڈی: پاکستان نے جنوبی افریقہ کے خلاف دوسرے ٹیسٹ کے لیے 17رکنی ٹیسٹ اسکواڈ کا اعلان کردیا ہے، سیریز کا آخری ٹیسٹ کل سے شروع ہوگا۔

تفصیلات کے مطابق پاکستان کرکٹ بورڈ کی جانب سے جاری پریس ریلیز کے مطابق جنوبی افریقہ کے خلاف دوسرے ٹیسٹ کے لیے 17رکنی ٹیسٹ اسکواڈ کا اعلان کیا گیا ہے، کراچی ٹیسٹ کا 17 رکنی اسکواڈ ہی دوسرے ٹیسٹ میچ میں برقرار رکھا گیا ہے۔

پریس ریلیز کے مطابق بابراعظم کپتانی کے فرائض سرانجام دینگے، دیگر کھلاڑیوں میں عابدعلی، عمران بٹ،اظہرعلی ،فوادعالم اورسعود شکیل شامل ہیں، اس کے علاوہ فہیم اشرف، محمدنواز، محمدرضوان، سرفرازاحمد، نعمان علی،ساجدخان، یاسرشاہ،حارث رؤف،حسن علی،شاہین شاہ آفریدی اورتابش خان شامل ہیں۔

یہ بھی پڑھیں:  فواد عالم نے اپنی بیٹنگ کے گُر بتا دیئے، ویڈیو وائرل

پاکستان اور جنوبی افریقہ کے درمیان دو میچوں پر مشتمل سیریز کا آخری میچ کل سے راولپنڈی اسٹیڈیم میں شروع ہورہا ہے، میزبان پاکستان کو سیریز میں ایک صفر کی برتری حاصل ہے۔

پاکستان نے جنوبی افریقہ کو کراچی ٹیسٹ میں سات وکٹوں سے شکست دیکر سات سال بعد ٹیسٹ میں پروٹیز کے خلاف کامیابی حاصل کی تھی۔

 

Comments

- Advertisement -