پاکستان اور روس نے کراچی میں پاکستان اسٹیل ملز کی بحالی اور جدید کاری کے لیے پروٹوکول پر دستخط کر دیئے۔
تفصیلات کے مطابق یہ معاہدہ ماسکو میں پاکستانی سفارت خانے میں منعقدہ تقریب میں کیا گیا، جس پر پاکستان کی طرف سے سیکرٹری برائے صنعت و پیداوار سیف انجم اور روس کی جانب سے انڈسٹریل انجینئرنگ ایل ایل سی کے جنرل ڈائریکٹر وادیم ویلیچکو نے دستخط کیے۔
ماسکو میں پاکستانی سفارت خانہ کی جانب سے جاری کردہ اعلامیے کے مطابق اس منصوبے سے دونوں ممالک میں طویل المدتی صنعتی شراکت داری کو مزید تقویت ملے گی۔
Pakistan and Russia signed a Protocol to restore Pak Steel Mills in Karachi. The agreement was signed by Saif Anjum, Secretary of Industries & Production, & Vadim Velichko, DG Industrial Engineering LLC in the presence of SAPM Haroon Akhtar Khan & Amb. Muhammad Khalid Jamali. pic.twitter.com/ZPYlmunwb0
— Pakistan Embassy Russia (@PakinRussia) July 10, 2025
اعلامیے میں کہا گیا ہے کہ اس معاہدے کا مقصد پاکستان اسٹیل ملز کو دوبارہ فعال بنانا اور اس کی پیداوار میں اضافہ کرنا ہے، جو دونوں ممالک کے درمیان تعاون کے ایک نئے دور کا آغاز ثابت ہوگا۔
پاکستانی سفارتخانے نے کہا کہ اس منصوبے کا مقصد اسٹیل کی پیداوار کو دوبارہ شروع اور توسیع لانا ہے، معاہدہ دونوں ممالک کے درمیان باہمی تعاون کا نیا باب ہے، 1973 میں سوویت یونین تعاون سے تعمیر پاکستان اسٹیل تعلقات کی پائیدار علامت ہے۔
پاک – روس معاہدے میں پاکستان اسٹیل ملز کو جدید بنانے کا فیصلہ کیا گیا ہے۔ پاکستان اسٹیل ملز کی بحالی کے لیے روس کے ساتھ شراکت داری اور نئی صنعتی تاریخ رقم ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں