The news is by your side.

پاکستان کا آلودہ ترین ملکوں کی درجہ بندی میں دوسرا نمبر

اسلام آباد: پاکستان دنیا میں آلودہ ترین ملکوں کی درجہ بندی میں دوسرے نمبر پر آ گیا۔

دنیامیں فضائی آلودگی، آب و ہوا کی تبدیلی، شدید گرمی کی لہر، پانی کی قلت سمیت دیگر ماحولیاتی خطروں کا بڑے پیمانے پر سامنا کرنے والے 100 بڑے شہروں میں سے 99 جنوبی ایشیائی خطے میں واقع ہیں۔

ایئر کوالٹی انڈیکس  کے اعتبار سے دنیا میں پاکستان کا دوسرا نمبر ہے، جبکہ کراچی کا فضائی معیار انتہائی مضرصحت قرار دیدیا گیا ہے۔

154 ایئرکوالٹی انڈیکس کیساتھ کراچی دنیا کی آلودہ ترین شہروں کی فہرست میں ساتویں  نمبر پر آگیا، جبکہ لاہور دنیا کے آلودہ ترین شہروں میں دوسرے نمبر پر ہے جس کا ایئر کوالٹی انڈیکس 272 ریکارڈ کیا گیا ہے۔

ایئر کوالٹی انڈیکس کی درجہ بندی کے مطابق 154سے 200 درجے تک آلودگی مضرصحت ، 201 سے 300 درجے تک آلودگی انتہائی مضرصحت اور 301 سے زائد درجہ خطرناک آلودگی کو ظاہر کرتاہے۔

Comments

یہ بھی پڑھیں