اسلام آباد: وزارت داخلہ نے چاروں صوبوں میں سیکیورٹی ہائی الرٹ کرنے کا حکم جاری کر دیا۔
تفصیلات کے مطابق بلوچستان کے علاقوں نوشکی اور پنجگور میں ہونے والے واقعات کے تناظر میں وزرات داخلہ کی جانب سے چاروں صوبوں کو سیکیورٹی ہائی الرٹ کا مراسلہ جاری کر دیا گیا۔
واضح رہے کہ سیکیورٹی فورسز نے بلوچستان میں امن دشمنوں کا بڑا حملہ ناکام بنا دیا ہے، گزشتہ روز سے جاری زبردست جھڑپوں میں نوشکی اور پنجگور میں 13 دہشت گرد مارے گئے ہیں، جب کہ افسر سمیت 7 سیکیورٹی اہل کار شہید، اور 4 زخمی ہوئے۔
نوشکی اور پنجگور میں دہشت گردوں کا بڑا حملہ ناکام ، 13 دہشت گرد ہلاک، ایک افسرسمیت 7 اہلکار شہید
آئی ایس پی آر نے بتایا کہ جوانوں نے امن دشمنوں کے خلاف بروقت مؤثر کارروائی کی، پنجگور میں سرچ آپریشن جاری ہے، سیکیورٹی فورسز نے 4 سے 5 دہشت گردوں کو گھیر رکھا ہے۔
افغانستان اور بھارت میں ٹی ٹی پی دوبارہ رابطوں میں ہے، شیخ رشید
وزیر اعظم عمران خان نے حملہ پسپا کرنے والے جوانوں کو سلام پیش کیا، اور ٹویٹر پیغام میں لکھا بہادر جوان عوام کی حفاظت کے لیے بڑی قربانیاں دے رہے ہیں، پوری قوم سیکیورٹی فورسز کے ساتھ کھڑی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں