The news is by your side.

Advertisement

کورونا کیخلاف حکومت کی کامیاب حکمت عملی، پاکستان میں مثبت کیسز کی شرح 1.90فیصد پر آگئی

اسلام آباد : پاکستان میں کورونا مثبت کیسز کی شرح 1.90فیصد پر آگئی ، ایک دن میں 39 اموات ریکارڈ کی گئی اور ایک ہزار 43 کورونا کیسز رپورٹ ہوئے۔

تفصیلات کے مطابق پاکستان میں کورونا کیسز اور اموات میں بتدریج کمی دیکھی جارہی ہے ، نیشنل کمانڈ اینڈ آپریشن سینٹر کی جانب سے کورونا کے حوالے سے تازہ اعدادو شمار جاری کئے گئے ہیں۔

جس میں بتایا گیا کہ گزشتہ 24 گھنٹے میں 54 ہزار 647 کورونا ٹیسٹ کیے گئے، جس میں سے ایک ہزار 43 کورونا کیسز کی تصدیق ہوئی اور کورونامثبت کیسز کی شرح 1.90فیصد رہی۔

این سی او سی کا کہنا ہے کہ 24 گھنٹے میں 39 کورونا مریض انتقال کرگئے، جس کے بعد ملک میں کورونا سے اموات کی تعداد21ہزار913 تک جا پہنچی۔

نیشنل کمانڈ اینڈ آپریشن سینٹر نے بتایا کہ ملک میں کوروناکےفعال کیسزکی تعداد35ہزار809 اور کورونا کے تصدیق شدہ کیسز کی تعداد نو لاکھ 46 ہزار 227 ہوگئی ہے۔

اعدادو شمار کے مطابق سندھ میں کورونا کیسز کی تعداد تین لاکھ 30 ہزار 552 ، پنجاب میں تین لاکھ 44 ہزار 663، خیبر پختونخوا میں ایک لاکھ 36 ہزار 663، بلوچستان میں 26 ہزار 466 ہوگئی ہے جبکہ گلگت بلتستان میں پانچ ہزار 759، اسلام آباد میں 82 ہزار 278 اور آزاد کشمیر میں 19 ہزار 868 کیسز سامنے آئے۔

Comments

یہ بھی پڑھیں