بانی ایم کیو ایم کے ریڈوارنٹ کا معاملہ، پاکستان کی انٹرپول سے درخواست Altaf Hussain
The news is by your side.

Advertisement

بانی ایم کیو ایم کے ریڈوارنٹ کا معاملہ، پاکستان کی انٹرپول سے پھر درخواست

اسلام آباد: وزارتِ داخلہ نے بانی ایم کیو ایم کے ریڈ وارنٹ جاری کرنے کےلیے انٹرپول کو ایک بار پھر درخواست بھیج دی۔

ایف آئی اے کے مطابق درخواست میں انٹرپول کے قواعد و ضوابط کو مدنظر کرھتے ہوئے قانونی تقاضے پورے کردیے گئے، پاکستان کی جانب سے بھیجی جانے والی درخواست میں مؤقف اختیار کیا گیا ہے کہ بانی ایم کیو ایم مختلف فوجداری مقدمات میں پاکستانی عدالتوں کو مطلوب ہیں۔

یاد رہے وزارتِ داخلہ کی جانب سے رواں سال فروری میں انٹرپول کو بانی ایم کیو ایم کی گرفتاری اور پاکستان حوالگی سے متعلق خط تحریر کیا گیا تھا، جس میں کہا گیا تھا کہ الطاف حسین پاکستانی عدالتوں میں مطلوب ہیں اس ضمن میں انٹرپول اپنا کردار ادا کرتے ہوئے بانی ایم کیو ایم کی گرفتاری اور پاکستان حوالگی کو یقینی بنائے۔

پڑھیں: بانی ایم کیو ایم کی گرفتاری، خط انٹرپول کو موصول

انٹرپول ہیڈ آفس نے پاکستان کی جانب سے بھیجے جانے والے خط پر لندن آفس رابطہ کر کے بانی ایم کیو ایم سے متعلق تمام دستاویزات فراہم کرنے کی ہدایت کی تھی تاہم بعد ازاں انٹرپول نے بانی ایم کیو ایم کے مقدمات کو سیاسی نوعیت کا قرار دیتے ہوئے ریڈوارنٹ جاری کرنے سے معذرت کرلی تھی۔

انٹرپول کی جانب سے پاکستان کو جواب بھیجا گیا جس کے بعد وزارتِ داخلہ نے تحفظات کو دور کرنے اور ساتھ میں شواہد فراہم کرنے کے حوالے سے سندھ حکومت سے بانی ایم کیو ایم کے مختلف مقدمات کا ریکارڈ طلب کیا اور ملزمان کے اعترافی بیان کی ویڈیو بھی انٹرپول کو ارسال کی۔

Comments

comments

یہ بھی پڑھیں