کراچی: چین نے پاکستان میں کام کرنے والی چینی شہریوں کو کرونا وبا سے بچانے کے لئے اہم فیصلہ کیا ہے۔
ذرائع کے مطابق چائینہ زونگیانگ انجینئرز کارپوریشن نے وفاقی حکومت کوخط لکھ دیا ہے، خط میں کمپنیز نے اپنےچینی ورکرز کی کرونا ویکسینیشن کی اجازت مانگی ہے۔
مراسلے میں کہا گیا ہے کہ کمپنیز نے پاکستان میں چینی ورکرز کی کرونا ویکسینیشن کا فیصلہ کیا ہے، لہذا حکومت پاکستان پانچ ہزارچینی ورکرزکی کروناویکسینیشن کی اجازت دے، سی زیک،کوای سی جی کےپانچ ہزارچینی ملازمین کراچی میں تعینات ہیں۔
مراسلہ کے مطابق ورکرز کو چینی ساختہ سائینویک نامی ویکسین لگائی جائےگی، پاکستان چین سے ویکسین کی دس ہزا روائلز منگوانےکی اجازت دے۔
یہ بھی پڑھیں: سائنس دانوں کا چینی کرونا ویکسین سے متعلق بڑا بیان سامنے آ گیا
مراسلے میں کہا گیا ہےکہ چینی ورکرز کی ویکسینیشن کے تمام انتظامات چینی کمپنیز کریں گی، درخواست پر وزارت صحت، ڈرگ ریگولیٹری اتھارٹی سے رائے طلب کرلی گئی ہے۔
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔