The news is by your side.

‘حکومت پاکستان نقد ڈالر میں تجارت پر فوری پابندی عائد کرے’

کراچی : چیئرمین فاریکس ایسوسی ایشن آف پاکستان ملک بوستان نے مطالبہ کیا کہ حکومت پاکستانی روپے کی قدر میں کمی کو روکنے کے لیے نقد ڈالر میں تجارت پر فوری پابندی عائد کرے۔

تفصیلات کے مطابق گورنراسٹیٹ بینک سے چیئرمین ایکسچینج کمپنیز ایسوسی ایشن کی وفد کیساتھ ملاقات ہوئی۔

جس میں چیئرمین فاریکس ایسوسی ایشن آف پاکستان ملک بوستان نے کہا کہ حکومت افغانستان کے ساتھ ٹریڈ پالیسی کا ازسرنو جائزہ لے اور فوری بارٹر ٹریڈیا لوکل کرنسی کی ایل سی کھول کر تجارت بڑھائے۔

چیئرمین فاریکس ایسوسی ایشن آف کا کہنا تھا کہ پاکستان میں افغانیوں کے پاس کھربوں پاکستانی روپے موجود ہیں، سرکولر کے بعد افغانی ٹریڈر پاکستانی روپے فارن کرنسی میں تبدیل کررہی ہے۔

ملک بوستان نے مطالبہ کیا کہ حکومت پاکستانی روپے کی قدر میں کمی کو روکنے کے لیے نقد ڈالر میں تجارت پر فوری پابندی عائد کرے۔

انھوں نے کہا کہ حکومت نے افغان حکومت کے ساتھ 2ارب ڈالرز کا کوئلے کا معاہدہ کیا، افغانستان نے وعدہ کیا تھا کوئلہ پاکستانی کرنسی میں فروخت کیا جائے گا۔

ملک بوستان کا کہنا تھا کہ معاہدے کے باوجودافغانی تاجر پاکستانی ٹریڈر کو ڈالرمیں فروخت کررہےہیں، بلیک مارکیٹ میں ڈالر کی ڈیمانڈ بہت زیادہ بڑھ گئی ہے۔

Comments

یہ بھی پڑھیں