مزار قائد پر لگے فانونس کی مرمت کے لیے چین سے معاہدہ -
The news is by your side.

Advertisement

مزار قائد پر لگے فانونس کی مرمت کے لیے چین سے معاہدہ

اسلام آباد : قائد اعظم محمد علی جناح کے مزار  پر لگے فانوس کی مرمت کے لیے پاکستان اور چین نے معاہدے پر دستخط کردئیے۔

تفصیلات کے مطابق قومی تاریخ ثقافتی ورثے کے وزیر  اور وزیر اعظم کے مشیر عرفان صدیقی اور  چینی سفیر نے 13 صفحات کے معاہدے پر دستخط کیے، اس موقع پر باقاعدہ تقریب کا انعقاد کیا گیا جس میں شعبہ قومی تاریخ ورثے کے سیکریٹری ایس ایم حقانی اور دیگر  اعلیٰ افسران موجود تھے۔

CHINA-POST-3

اس موقع پر تقریب سے خطاب کرتے ہوئے عرفان صدیقی نے کہا کہ ’’پاکستان کے لیے یہ اعزاز کی بات ہے کہ ملک میں سب سے بڑے پہلے فانونس کا تحفہ چین کی طرف سے دیا گیا جو اُن کے ماہرین کی طرف سے بنایا گیا ہے۔ انہوں نے مزید کہا کہ ’’پاکستانی حکومت چینی دوستوں سے گزارش کرتی ہے کہ ایسے مزید نئے فانونس تیار کیے جائیں‘‘۔

china-post-1

انہوں نے مزید کہا کہ پاکستان کو سب سے بڑا فانونس چین کی طرف سے دیا گیا جو اُس کی والہانہ محبت کا مظہر ہے، یہ فانوس مزار قائد پر نصب کیا گیا ہے اور مزار کی انتظامیہ نے بھی اس کا بہت خیال رکھا، عرفان صدیقی نے مزید کہا کہ فانونس کے مرمتی کام کے حوالے سے معاہدہ دونوں ممالک کی رضا مندی سے شروع کیا جارہا ہے۔

CHINA-POST-2

اس موقع پر چینی سفیر سن وی ڈونگ نے خطاب کرتے ہوئے کہا کہا ’’ یہ فانونس پاکستان اور چینی کی دوستی کی عکاسی کرتا ہے، انہوں نے مزید کہا کہ یہ فانونس 1971 میں چینی مسلم ایسو سی ایشن کی جانب سے پاکستان کو تحفہ میں دیا گیا تھا۔

 

Comments

comments

یہ بھی پڑھیں