ملک میں امن و امان کی صورت حال کنٹرول میں ہے: فواد چوہدری کا ٹوئٹ
The news is by your side.

Advertisement

ملک میں امن و امان کی صورت حال کنٹرول میں ہے: فواد چوہدری

اسلام آباد: وزیراطلاعات فواد چوہدری کا کہنا ہے کہ ملک میں امن و امان کی صورت حال کنٹرول میں ہے، ریاست کے صبر کو اس کی کمزوری نہ سمجھا جائے۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے جاری کردہ بیان میں کیا، فواد چوہدری کا کہنا تھا کہ آئین اور قانون کی مکمل عملداری ہی عوام کا مفاد ہے۔

انہوں نے کہا کہ ہم فرض پورا کریں گے، وزیر اعظم کو صورت حال سے لمحہ بہ لمحہ باخبر رکھا جارہا ہے۔

ان کا مزید کہنا تھا کہ چین کے اہم دورے کو سبوتاژ کرنے کی کوشش ناکام ہوگی۔

کوئی خوش گمانی میں نہ رہے کہ ریاست کمزورہے، اپوزیشن اور ادارے حکومت کے ساتھ ہیں، فواد چوہدری

گذشتہ روز وزیراطلاعات فواد چوہدری نے کہا تھا کہ اپوزیشن سے مذاکرات کررہے ہیں، حکومت کی اب تک کی حکمت عملی سے اپوزیشن کو آگاہ کیا ہے، اہم ایشو پر پورا پاکستان متحد ہے۔

انہوں نے یہ بھی کہا تھا کہ حکومت سب کو ساتھ لے کر چلنا چاہتی ہے، حکومت کی جانب سے آئندہ کے لیے لائحہ عممل تیار کیا جارہا ہے۔

Comments

comments

یہ بھی پڑھیں