اسلام آباد: حکومت نے بین الاقوامی بانڈ مارکیٹ سے رجوع کرنے کا فیصلہ کیا ہے جبکہ ایک سال بعد یورو بانڈ بھی جاری کیے جائیں گے۔
تفصیلات کے مطابق ذرائع کا کہنا ہے کہ پاکستان 50 کروڑ سے ایک ارب ڈالر مالیت تک کے بانڈز جاری کرے گا، چینی مارکیٹ میں 30 کروڑ ڈالرز تک کے پانڈا بانڈز کے اجرا سے اس کا آغا کیا جائے گا۔
ذرائع وزارت خزانہ نے بتایا کہ آئی ایم ایف سے نئے قرض پروگرام کی منظوری کے بعد بانڈز جاری ہونگے، چینی کمرشل بینکوں سمیت فنانشل مارکیٹ سے رجوع کیا جائےگا۔
- Advertisement -
پاکستان بین الاقوامی ریٹنگ بہتر ہونے پر ایک سال بعد یورو بانڈ بھی جاری کرے گا، سال 26-2025 میں یورو بانڈ کے اجرا کا پلان ہے.
وزارت خزانہ کے ذرائع کا کہنا تھا کہ بانڈز بیرونی قرضوں پر سود کی ادائیگی اور خسارہ پورا کرنے کیلئے جاری ہونگے۔
