The news is by your side.

Advertisement

کراچی، پاکستان سری لنکا ٹیسٹ میچ، متبادل روٹس کا اعلان

کراچی: شہر قائد میں کل سے شروع ہونے والے پاکستان اور سری لنکاکے درمیان ٹیسٹ میچ کے باعث متبادل روٹس کا اعلان کردیا گیا۔

تفصیلات کے مطابق پاکستان اور سری لنکا کی کرکٹ ٹیموں کے درمیان دوسرے ٹیسٹ کا آغاز کل سے کراچی کے نیشنل اسٹیڈیم میں ہوگا جس کے باعث اسٹیڈیم فلائی اوور سے سوک سینٹر (حسن اسکوائر) ٹریفک کے لیے بند ہوگا۔

ٹریفک پولیس کا کہنا ہے کہ ٹریفک براستہ تھانہ نیو ٹاؤن یونیورسٹی روڈ سے یوٹرن پرانی سبزی منڈی سے سوک سینٹر کی طرف جائے گا۔

ٹریفک پولیس کی جانب سے جاری کردہ ہدایت نامے کے مطابق سر شاہ سلیمان روڈ نیشنل اسٹیڈیم سگنل سے سوک سینٹر کے لیے بند ہوگا۔

ٹیسٹ میچ کی وجہ سے سڑک پر سفر کرنے والے افراد اسٹیڈیم سگنل سے پرانی سبزی منڈی کی طرف جائیں گے اور وہاں سے لیاقت آباد حسن اسکوائر کی طرف مڑ سکیں گے۔

ٹریفک پولیس نے کہا ہے کہ حسن اسکوائر فلائی اوور سے یونیورسٹی روڈ کی طرف جانے کے خواہش مند سوسائٹی بلڈنگ تک متبادل راستہ اپنائیں گے۔

واضح رہے کہ پاکستان اور سری لنکا کے درمیان کل سے نیشنل اسٹیڈیم کراچی میں ٹیسٹ میچ کھیلا جائے گا، اس سے قبل راولپنڈی ٹیسٹ بنا کسی نتیجے کے ختم ہوگیا تھا اور دونوں ٹیموں کو بیس، یس پوائنٹ مل گئے تھے۔

Comments

یہ بھی پڑھیں