The news is by your side.

Advertisement

پاک سری لنکا سیریز، ٹکٹوں کی آن لائن بکنگ 20 ستمبر سے شروع ہوگی

لاہور: پی سی بی نے پاک سری لنکا سیریز کے لیے ٹکٹوں کی فروخت کے لیے تاریخوں کا اعلان کردیا۔

تفصیلات کے مطابق پاکستان کرکٹ بورڈ نے پاک سری لنکا سیریز کے لیے ٹکٹوں کی فروخت کے لیے تاریخوں کا اعلان کردیا جس کے مطابق ٹکٹوں کی آن لائن بکنگ 20 ستمبر سے شروع ہوگی۔

رپورٹ کے مطابق ٹکٹ 21 ستمبر سے ٹی سی ایس کے مخصوص مراکز میں بھی دستیاب ہوں گے۔

سری لنکا کے خلاف ایک روزہ، ٹی ٹوینٹی میچز کے لیے ٹکتوں کی قیمتیں بھی مقرر کردی گئی ہیں، کراچی میں ایک روزہ میچز کے لیے ٹکٹوں کی قیمت 500 سے 5000 روپے تک مقرر کی گئی ہے۔

لاہور میں ہونے والے ٹی ٹوینٹی میچز کے ٹکٹوں کی قیمت بھی 500 سے 5000 روپے تک مقرر کی گئی ہے۔

مزید پڑھیں: بد امنی کے دورمیں پاکستانی ٹیم آتی رہی، اب ہمیں جانا چاہیے، رانا ٹنگا

واضح رہے کہ سری لنکا کے خلاف ایک روزہ، ٹی ٹوینٹی سیریز 27 ستمبر سے 9 اکتوبر تک جاری رہے گی، سرفراز احمد 2017 سے تینوں فارمیٹ میں قومی ٹیم کی قیادت کررہے ہیں۔

دو روز قبل سری لنکا کے خلاف سیریز کے لیے 20 ممکنہ کھلاڑیوں کا اعلان کیا گیا تھا۔

ممکنہ کھلاڑیوں میں کپتان سرفراز احمد، بابر اعظم، احمد شہزاد، آصف علی، عابد علی، عثمان شنواری، فہیم اشرف، فخر زمان، حارث سہیل، حسن علی، افتخار احمد، عماد وسیم، وہاب ریاض، امام الحق، شاداب خان اور عمر اکمل شامل ہیں۔

تمام کھلاڑی 18 ستمبر کو نیشنل کرکٹ اکیڈمی لاہورمیں رپورٹ کریں گے۔ مصباح الحق 21 ستمبر کو ون ڈے اور ٹی 20 ٹیموں کا اعلان کریں گے۔ قومی ایک روزہ کرکٹ ٹیم 24 ستمبر کو کراچی روانہ ہوجائے گی۔

Comments

comments

یہ بھی پڑھیں