اسٹیل مل ریفرنڈم، ایم کیو ایم نے پیپلزپارٹی کی حمایت کردی steel-mill
The news is by your side.

Advertisement

اسٹیل مل ریفرنڈم، ایم کیو ایم نے پیپلزپارٹی کی حمایت کردی

کراچی : اسٹیل مل میں ہونے والے ریفرنڈم میں ایم کیو ایم (پاکستان) نے پیپلزپارٹی کی حمایت کر دی ہے اس کے علاوہ اے این پی، ایمپلائیز لیگ اور دیگر یونینیز پہلے ہی پیپلز ورکز یونین کی حمایت کرچکی ہیں۔

تفصیلات کے مطابق پاکستان اسٹیل مل میں ہونے والے ریفرنڈم میں پیپلز ورکز یونین کی جانب سے جلسہ منعقد کیا گیا جس میں ایم کیو ایم (پاکستان) نے پیپلز پارٹی کو اپنی حمایت کایقین دلایا جب کہ اے این پی سمیت دیگر یونینز پہلے ہی پیپلز پارٹی کی حمایت کر چکی ہیں۔

جلسے سے خطاب کرتے ہوئے پاکستان پیپلز پارٹی کے سینیٹر سلیم مانڈی والا نے کہا کہ وفاقی حکومت کی جانب سے پاکستان اسٹیل ملز کی نجکاری کرنے کی کوشش کی جا رہی ہے اور ملازمین کو فارغ کرنے کا فیصلہ کرلیا گیا ہے تاہم غریبوں کی پارٹی پیپلز پارٹی کی اعلیٰ قیادت مزدوروں پر کاری ضرب کو برداشت نہیں کرے گی۔

انہو ں نے کہا کہ مسلم لیگ (ن) اسٹیل مل کو فروخت کر کے مزدوروں کو بے روزگار کرنا چاہتی ہے لیکن پیپلز پارٹی کسی صورت اسٹیل مل کی نجکاری نہیں ہونے دے گی اور مزدوروں کے گھروں کا چولہا بجھنے نہیں دے گی اس موقع پر انہوں نے جلسے کے شرکاء سے گو نواز گو کے نعرے لگوائے۔

جلسے سے رکن صوبائی اسمبلی مرتضی بلوچ نے بھی خطاب کیا، انہوں نے کہا کہ پیپلزپارٹی پاکستان اسٹیل کےتحفظ کا نام ہے کیوں کہ ہم انڈسٹری لگوانے والے اور عوام سے روزگار چھیننے والے نہیں بلکہ کو روزگار مہیا کرنے والے ہیں۔

واضح رہے پاکستان اسٹیل مل میں 12 اپریل کو سی بی اے کے چناؤ کے لیے ریفرنڈم ہونے جا رہا ہیے جس میں دس سے زائد یونینز حصہ لے رہی ہیں تاہم ان میں سے ایم کیوایم، اے این پی، ایمپلائیرز یونین سمیت دو دیگر یونینز نے پیپلزورکز یونین کی حمایت کر چکی ہیں اور مدمقابل تحریک انصاف اور مسلم لیگ ن کی حمایت یافتہ لیبر یونینز رہ گئی ہیں۔

Comments

comments

یہ بھی پڑھیں