site
stats
سندھ

پاکستان اسٹیل: تنخواہ نہ ملنے پر دو خودکشیاں

کراچی: تین ماہ سے تنخواہیں نہ ملنے پر پاکستان اسٹیل کے ایک ملازم اور ایک خاتون ملازم کے شوہر نے خودکشی کرلی۔

اے آر وائی نیوز کے نمائندہ کراچی انور خان نے بتایا کہ دو دن میں دو افراد خودکشی کرچکے ہیں، پاکستان اسٹیل الحدید ویلفیئر ٹرسٹ کے 40 سے زائد اسکول ہیں جن میں 9ہزار کے قریب افراد ملازم ہیں جنہیں تین ماہ سے تنخواہ نہیں مل رہی۔


گزشتہ روز ایک سینئر اسکول ٹیچر نائیلہ نےخودکشی کی تھی آج ایک اسکول ٹیچر کے شوہر سرفراز احمد نے خود کشی کرلی، ان کی میت جناح اسکول میں پوسٹ مارٹم کے لیے موجود ہے۔

ایکشن کمیٹی کے رہنما اکبر جتوئی نے کہا ہے کہ وزیراعظم اور وزیر خزانہ نوٹس لیں، مظاہرے اور احتجاج کر کر کے تھک چکے ہیں، صورتحال بہت تشویش ناک ہوچکی ہے، متعدد والدین اپنے بچوں کو اسکول سے نکوال چکے ہیں، جلد از جلد تنخواہیں جاری کی جائیں۔

واضح رہے کہ وفاق نے گزشتہ تین ماہ سے پاکستان اسٹیل کے محکمہ تعلیم کے ملازمین کو تنخواہ جاری نہیں کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top