اسلام آباد : عالمی مالیاتی خدمات فراہم کرنے والے ادارے مارگن اسٹینلے نے پاکستان پاکستان اسٹاک ایکسچینج کو اِمرجنگ مارکیٹ انڈیکس میں شامل کرنے کی منظوری دے دی ۔
پاکستان اسٹاک ایکسچینج کی امرجنگ مارکیٹ انڈیکس میں باقاعدہ شمولیت آئندہ سال جون میں ہوگی، انڈیکس میں شمولیت کے بعد پاکستان کی 26 کمپنیاں ٹریڈنگ کرسکیں گی۔
ایم ایس سی آئی کی جانب سے پاکستان کو ابھرتی ہوئی معیشت قرار دیتے ہوئے پاکستان اسٹاک ایکس چینج کو امرجنگ مارکیٹ میں شامل کیے جانے کا اعلان کیا گیا ہے۔
واضح رہے کہ کراچی اسٹاک ایکسچینج نے دوہزارآٹھ کے معاشی بحران کے بعد انڈیکس کو منجمد کردیا تھا، اس فیصلے کے بعد اسے ایمرجنگ مارکیٹ انڈیکس سے نکال دیا گیا تھا۔
دوسری جانب پاکستان اسٹاک ایکسچینج میں آج تیزی دیکھی جارہی ہے، ہنڈریڈانڈیکس تاریخ میں پہلی بار 38 ہزار 500پوائنٹس کی سطح عبور کرگیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں