کراچی : پاکستان اسٹاک مارکیٹ کے سی ای او رچرڈ مورن نے استعفیٰ دے دیا، انھوں نےمفادات کےٹکراؤ کےباعث استعفیٰ دیا، ایس ای سی پی نے بھی رچرڈمورن کی تعیناتی پراعتراض کیاتھا۔
تفصیلات کے مطابق پاکستان اسٹاک مارکیٹ کے سی ای اورچرڈ مورن مستعفیٰ ہوگئے ، استعفیٰ پاکستان اسٹاک مارکیٹ کے بورڈ آف ڈائریکٹرز نے منظور کرلیا اور نوٹیفکیشن جاری کردیا ہے۔
اسٹاک مارکیٹ زرائع کا کہنا ہے رچرڈمورن کی تعیناتی پرایس ای سی پی نےاعتراض کیاتھا، رچرڈ مورن پر مفادات کے ٹکرو کا الزام تھا، ان کی بیرون ملک ایسیٹ مینجمنٹ کمپنیوں میں حصہ داری تھی، اس پر ان سے ایس ای سی پی نے اظہار وجوہ طلب کیا تھا تاہم رچرڈ ایس ای سی پی کو مطمینان نہیں کرسکے تھے۔
چودہ افراد پر مشتمل بورڈ آف ڈائریکٹرز میں سے آٹھ افراد نے سی ای او رچرڈ مورن کی ڈس کوالیفائی کیا تھا ، رچرڈ مورن کینیڈین شہری ہیں اور پاکستان اسٹاک ایکسچینج کے پہلے غیر ملکی سی ای او تھے۔
رچرڈ مورن تین سال کے کنٹریکٹ پر جنوری دوہزار سترہ میں تعینات ہوئے تھے، وہ اسٹاک ایکسچینج میں نئی سرمایہ کاری اورغیرملکی انوسٹر کو راعب کرنےمیں بھی ناکام رہے تھے۔
خیال رہے پاکستان اسٹاک ایکسچینج میں آج کاروبارکے اختتام پر 100 انڈیکس میں748پوائنٹس کی کمی ریکارڈکی گئی اور انڈیکس 34 ہزار 949 پر بندہوا۔
